اسلام آباد ۔ 30 جولائی (اے پی پی) بنجاھی حکومت ءَ گوزوکیں مالی سال 2020-21 ءِ بجٹ ءِ سرکاری شوبگ ءِ دیمروئی پروگرام (پی ایس ڈی پی) ءِ چیر دستی ءَ منشیات ڈویژن ءِ دو نوکیں منصوبگ آنی واستہ ھواریں رنگ ءَ 17.3 ملین کلدار گیشینگ بوتگ۔ وزارت ءِ منشیات ءِ گر ءُ دار ءِ کارندہ آنی رد ءَ وزارت ءِ منشیات ءِ چیر دستیں ادارگ اینٹی نارکوٹکس فورس ءِ اسلام آباد ءَ دو نوکیں منصوبگ آنی واستہ 17.3 ملین کلدار گیشینگ بوتگ۔ ایشانی تہ ءَ اسلام آباد ءَ اینٹی نارکوٹکس فورس ءِ انوسٹی گیشن سنٹر ءِ جوڑیشت ءِ واستہ 8.3 ملین کلدار وھدیکہ دومی منصوبگ آنی تہ ءَ اسلام آباد ءَ نشہئی مردم آنی علاج ءِ آسراتی سنٹر آنی فزیبلٹی رپورٹ ءِ واستہ 9 ملین کلدار گیشینگ بوتگ۔
