اسلام آباد ۔ 29 جولائی (اے پی پی) مزن وزیر عمران خان ءَ کراچی ءَ استیں ھور ءُ ارگ آنی رد ءَ نیشنل ڈیزاسٹر مینجمنٹ اتھارٹی ءَ را ھوار ءِ آپ ءِ نالی آنی جاور ھال آنی بابت ءَ سرجمیں چار ءُ تپاسی رپوٹ پیش کنگ ئِ پنت ءُ شون کنان ءَ گوشت کہ بنجاھی حکومت کراچی ءِ الس آنی استیں جیڈھ آنی گیواری ءَ ایوک ءَ یل نہ کنت۔ اے ھیالانی درشانی آئی ءَ گورنر سندھ عمران اسماعیل ءِ گوما گپ ءُ تران کنان ءَ کت آئی ءَ چار شمبے ءِ روچ ءَ ادا اسلام آباد ءَ آئی ءَ گوں گند ءُ نند کت۔ گند ءُ نند ءَ وزیر برائے سائنس ءُ ٹیکنالوجی چوہدری فواد حسین ھم بھر زوری کنگ ءَ ات۔ مزن وزیر میڈیا کارگس ءِ رد ءَ گورنر سندھ ءَ مزن وزیر ءَ را کراچی ءَ استیں جاور ھال آںی سبب ءَ پیداک بوھوکیں جیڈھ آنی بابت ءَ سرجمیں رنگ ءَ بریفنگ دات ءُ سرپد کت۔
