اسلام آباد۔ 01مارچ (اے پی پی) قزاخستان نا وزیراعظم باقیجان سگین تائف پارینے کہ اقتصادی کمکار تنظیم ڈیہہ ٹی شونداری کن اسہ کثیر الجہتی پلیٹ فارم اسے ٹی بدل مسنے، باسک ملک آتے مواصلات و بنداوی ڈھانچہ غاتا ڈٹ آتیان بیدس توانائی نا سلامتی آ ہم بایدے چکار تخنگے۔ او چارشنبے نا دے داڑے وزیراعظم محمد نواز شریف نا کماشی ٹی اڈ ہلوک آ 13می ای سی او سروک دیوان آن تران کریکہ۔ اوپارے کہ اقتصادی کمکار تنظیم ئِ مواصلات و انفراسٹرکچر نا ڈٹ آتے بایدے اولیت تننگے۔ اوپارے کہ قزاخستان ہم بھلا بھلا ڈٹ آتیا ہم کننگ ئِ ہرا ملک ئِ یورپ تون اوار اوار چین نا اسہ ڈیہہ اسہ روڈ پروجیکٹ اسے تون گنڈک۔ قزاخستان نا وزیراعظم ڈیہہ ٹی توانائی نا سلامتی ئِ ودفنگ نا گرج آ زورشاغا۔ داوخت آ اوای سی او نا باسک ملک آتے اینخو سال کرغزستان اٹی مروک آ سائنس ایکسپوٹی شرکت نا سلہ ہم تس۔
