کوئٹہ۔ 29 جولائی (اے پی پی) بلوچستان عوامی پارٹی نا مرکزی راہشون محمد عبدالقادر پارینے کہ 5 اگست آ کشمیری تتون یکجہتی کن کوئٹہ غان ہلیس ڈیرہ بگٹی و گوادر آن ژوب اسکان پبی وڑاٹ بلوچستان عوامی پارٹی نا کنڈآن دود اڈتننگک۔ بلوچستان نا الس و حکومت کشمیری تا بدل مفروک مخ تفی ءِ برجاتخرہ ہمودے مُراف ہراتم کشمیریک حق خودارادیت نا جنگ ءِ کٹسا آجو چاگڑاس ساہ ہلور۔ چارشنبے نادے آ بلوچستان عوامی پارٹی نا اسہ ڈل اسے تون گپ وتران کرسا اوفک پاریر کہ پنچ اگست آ بھارت مقبوضہ کشمیر نا خصوصی حیثیت ءِ چٹفسا اقوام متحدہ نا قرارداد آتا خلاف ورزی ءِ کرینے ہراڑآن کشمیری تا جہد آجوئی ٹی پین ترندی بسنے و کودک کشمیریک بھارتی فوج انا مقابلہ ءِ کرسا قربانی تا پوسکن ءُ داستان اس ہلنگ ءُ جہانی برادری مقبوضہ کشمیر اٹی انسانی حق انا خلاف ورزی نا نوٹس ءِ ہلے۔ بلوچستان عوامی پارٹی مرکزی راہشون محمد عبدالقادر پارے کہ مظلوم کشمیری تتون یکجہتی کن بلوچستان عوامی پارٹی نا کنڈآن مچ آ صوبہ ٹی دود اڈتننگک ہراٹی سول سوسائٹی نا نمائندہ، وکیل راہشون آتون اوار غٹ تپہ نا مخلوق ءِ بٹنگسا بھارتی فوج انا بیدادی آن الس ءِ معلومدار کننگک۔
