اسلام آباد۔ 29 جولائی (اے پی پی) نیشنل ڈیزاسٹرمینجمنٹ اتھارٹی (این ڈی ایم اے) صوبہ غاتے کوروناناجوڑ آتیکن پین وینٹی لیٹر آتا بشخنگ نا بناءِ کرے۔ ترجمان این ڈی ایم اے نا رداٹ سندھ ءِ 26 آئی سی یو وینٹی لیٹر و 61 بائی پیپ تننگانے۔ بلوچستان ءِ 19 آئی سی یو وینٹی لیٹر و 35 بائی پیپ جاری کننگا۔ پنجاب ءِ تروک آ وینٹی لیٹر آتیٹی 35 آئی سی یو و 56 بائی پیپ اوار ءُ۔ خیبر پختونخوا ءِ ہم 4 آئی سی یو وینٹی لیٹر و 6 بائی پیپ تننگا۔ داتم اسکان مچ آ ملک انا ہسپتال آتے جم وڑاٹ 1491 وینٹی لیٹر تننگانے۔ دافتے ٹی 478 آئی سی یو، 905 بائی پیپ و 108 پورٹیبل وینٹی لیٹر اوار ءُ۔
