اسلام آباد۔ 29 جولائی (اے پی پی) مچ آ ملک اٹی تدوک آ 24 گھنٹہ ٹی کوروناوائرس نا سوب آن 27 بندغ زوال کریر ہرافتیان 24 بندغ ہسپتال آتیٹی وخت اس کہ 3 بندغ اُراتیٹی قرنطینہ ٹی زوال کریر۔ نیشنل کمانڈ اینڈ آپریشن سینٹر نا کنڈآن جاری پوسکن آ رپورٹ نا رداٹ مچ آ ملک اٹی کورونا نا ایکٹو کیس تدوک آ 24 گھنٹہ ٹی اسہ ہزار 63 ناجوڑ آتا ودکی اتون 25 ہزار 513ءُ۔ داتم اسکان مچ آ ملک اٹی کورونا وائرس ءِ شکست تروک آ بندغ آتا کچ 2 لکھ 44 ہزار 883مسنے۔ تدوک آ 24 گھنٹہ ٹی مچ آ ملک اٹی کورونا نا 21 ہزار 256 ٹیسٹ کننگا ہرافتے ٹی سندھ اٹی 9 ہزار 571، پنجاب اٹی 7 ہزار 38، خیبر پختونخوا ٹی اسہ ہزار 131، اسلام آباد اٹی اسہ ہزار 840، بلوچستان اٹی اسہ ہزار 302، گلگت بلتستان اٹی 106و آزاد کشمیر اٹی 268 بندغ آتا کورونا وائرس ٹیسٹ کننگا۔ بلوچستان اٹی اسہ ناجوڑ اس ہم وینٹی لیٹر آ اف۔ مچ آ ملک اٹی کورونا کن جتا کروک آ اسہ ہزار 859 وینٹی لیٹر آتیان 227 وینٹی لیٹر آتیا کورونا نا ناجوڑ ءُ۔ داتم اسکان مچ آ ملک اٹی کورونا نا ناجوڑ آتا کچ 2 لکھ 76 ہزار 288ءِ ہرافتیان سندھ اٹی اسہ لکھ 19 ہزار 398، آزاد کشمیر اٹی 2 ہزار 55، بلوچستان اٹی 11 ہزار 654، گلگت بلتستان اٹی 2 ہزار 42، اسلام آباد اٹی 14 ہزار 963، خیبر پختونخوا ٹی 33 ہزار 724، پنجاب اٹی 92 ہزار 452ناجوڑ ءُ وخت اس کہ کورونا غان زوال کروک آتا کچ 5 ہزار 892ءِ۔ سندھ اٹی زوال کروک آتا کل کچ 2 ہزار 172ءِ ہرافتیان تدوک آ 24 گھنٹہ ٹی 9 بندغ ہسپتال آتیٹی وخت اس کہ اسہ بندغ اس اُراٹی قرنطینہ ٹی زوال کرے۔ ہنداوڑاٹ پنجاب اٹی تدوک آ 24 گھنٹہ ٹی 8 بندغ آتا ہسپتال آتیٹی مرک اتون کل کچ 2 ہزار 133 ءِ۔ خیبر پختونخواٹی کل مرک آک 1 ہزار 186 ءُ ہرافتیان تدوک آ بیست ءُ چار گھنٹہ ٹی 5 بندغ ہسپتال آتیٹی زوال کریر وخت اس کہ اسہ بندغ اس اُراٹی کزیت کرے۔ اسلام آباد اٹی کورونا وائرس آن زوال کروک آتا کچ 65ءِ۔ بلوچستان اٹی 136، گلگت بلتستان اٹی 50 بندغ زوال کریر ہرافتیان تدوک آ 24 گھنٹہ ٹی 2 بندغ ہسپتال آتیٹی زوال کریر۔ آزاد کشمیر اٹی 50 بندغ کورونا وائرس نا سوب آن زوال کریر ہرافتے ٹی تدوک آ 24 گھنٹہ ٹی اسہ بندغ اس ہسپتال اٹ دامرض انا سوب آن کزیت کرے۔ مچ آ ملک اٹی کورونا نا کل 19 لکھ 31 ہزار 102 ٹیسٹ کننگا۔ کوروناوائرس نا درمان کن جوڑ مچ آ ملک اٹی 734 ہسپتال آتیٹی داوخت آ اسہ ہزار 879 ناجوڑ داخل ءُ۔
