اسلام آباد ۔ 29 جولائی (اے پی پی) راجی اسمبلی ءَ گوشگ بوت کہ پٹرولیم ڈویلپمنٹ لیوی ءِ کساس ءِ تہ ءَ اچ گیشی کنگ نہ بوتگ، پٹرول سٹیشن ءُ آئل مارکیٹنگ کمپنی آنی تہ ءَ ٹیلی میٹرک نظام پٹ کنگ بوھگ ءَ انت۔ چار شمبے ءِ روچ ءَ راجی اسمبلی ءَ مرتضیٰ جاوید عباسی ءُ حنا ربانی کھر ءِ جست آںی پسو ءَ بنجاھی وزیر ھاٹیگ عمر ایوب خان ءَ ایوان ءَ را گوشت کہ پاک عرب ریفائنری ءَ چہ خلہفہ پوائنٹ ءِ ریفائنری ءِ واستہ گپ ءُ تران کنگ بوھگ ءَ انت۔ پٹرول ءِ ڈکالی ءِ ھوالگ ئَ جست آنی پسو ءَ آئی ءَ گوشت کہ پاک عرب ریفائنری ءَ چہ خلیفہ پوائنٹ ءِ ریفائنری ءِ واستہ گپ ءُ تران بوھگ ءَ انت۔ پٹرول ءِ ڈکالی ءَ را دور کنگ بیت۔ گوزوکیں مالی سال ءَ پٹرول ءِ ڈکالی گوستگیں سال ءِ مٹ ءَ 28 درسد کم بوتگ۔ حکومت لوٹ ایت کہ اے جیڈھ ءِ پٹ ءُ پول بہ بیت تانکہ کمپنی دوارگ اے وڑ سسا کت ھم مکن انت۔ پٹرول سٹیشن ءُ او ایم سیز ءِ ٹوھیں ٹینک آنی آٹومیٹک ٹیلی میٹری ڈیٹا جوڑ کنگ ءِ سر ءَ کار کنگ ءَ آں۔ حنا ربانی کھر ءِ جست ءِ پسو ءَ عمر ایوب ءَ گوشت کہ پٹرولیم لیوی ءِ کساس ءِ تہ ءَ اچ گیشی کنگ نہ بوتگ۔
