اسلام آباد ۔ 28 جولائی (اے پی پی) مزن وزیر عمران خان ءَ گوشت کہ کراچی ءِ کوھنیں جیڈھ اے وھد ءَ تاں گیوار بوت نہ کن انت تاں وھد ءِ کراچی ءِ الس گچین بوتگیں ھندی حکومت آنی نماھندگ کانود ءِ رد ءَ مالی ، سیاسی ءُ انتظامی رد ءَ وت مستری مہ بنت، بنجاھی حکومت کانود ءِ آرٹیکل 140 اے ءِ سر ءَ ایشی ءِ وڑ ءُ پیم ءِ رد ءَ سرجمیں رنگ ءَ پد ءُ رند کنگ ءِ منوک انت۔ سئے شمبے ءَ مزن وزیر کارگس ءِ نیمگ ءَ جاڑی بوتگیں بیان ءِ رد ءَ آئی ءَ اٹارنی جنرل ءَ را پنت ءُ شون کت کہ آرٹیکل 140 اے ءِ چیر دستی ءَ سپریم کورٹ آف پاکستان ءَ جم کتگیں پٹیشن ءِ زوت گوشداری ءُ پیسلہ ءِ واستہ آمید گس ءَ چہ زوتیں رنگ ءَ دزبندی کنگ بہ بیت۔
