مزن وزیر عمران خان ءِ سروکی ءَ ملک ءَ انٹرنیٹ ءِ دراج شاھیگانی ءُ گہتریں کوریج ءَ را دل یکیمی ءُ ٹیلی کام ءِ شوبگ ءَ گوں سیادی داروکیں کار آناں باست ءُ واستہ کنگ ءِ واستہ دیوان

اسلام آباد ۔ 28 جولائی (اے پی پی) مزن وزیر عمران خان ءِ سروکی ء۔ ملک ءَ انٹرنیٹ ءِ شاھیگانی ءُ گہتریں کوریج ءَ را دل یکیمی جوڑ کنگ ءُ ٹیلی کام ءِ شوبگ ءَ گوں سیادی داروکیں کار آنی سر ءَ باست ءُ واستہ کنگ ءِ واستہ سئے شمبے ءَ مزن تکی دیوان ءِ برجم دارگ بوت۔ دیوان ءَ بنجاھی وزیر شفقت محمود، محمد حماد اظہر، امین الحق، اسد عمر، مشیر ء، ھزانگ ڈاکٹر عبدالحفیظ شیخ، ھاسیں کمکار تانیہ ایدورس، سیکرٹری انفارمیشن ٹیکنالوجی ڈویژن، چئیرمین پی ٹی اے ، سی ای او یونیورسل سروس فنڈ ءُ ایندگر کلانہ ایں کارندہ شریک اتنت۔ مزن وزیر کارگس ءِ میڈیا ونگ ءِ رد ءَ دیوان ءَ ملک ءَ انٹرنیٹ ءِ دراج بُری ءُ گہتریں کوریج ءَ را دل یکیمی جوڑ کنگ ءُ ٹیلی کام سیکٹر ءِ ھوالگ ءَ سیادی داروکیں ایشوز آنی گیواری ءِ ھوالگ ءَ وت مہ وت ھیال ریچی کنگ بوت۔ نودربر آں گوں انٹرنیٹ ءِ آسان رسائی ءُ سستائیں پیکیج ءِ پجاری ءِ ھوالگ ءَ ھم گامگیج آنی سر ءَ سرجمیں ھیال ریچی کنگ بوت۔