ٹائیگر فورس ڈے 9 اگست ءَ برجم دارگ بیت، ھمک مردم ءَ را نہال کشگ ءِ گامگیج ءَ بھر زوری کنگ لوٹ ایت، یک روچے ءِ تہ ءَ باز درچک کشاں، مزن وزیر عمران خان ءِ ٹوئیگر فورس ءِ والنٹری کار کنوک آنی واستہ ھاسیں کلوہ

اسلام آباد ۔ 28 جولائی (اے پی پی) مزن وزیر عمران خان ءَ گوشت کہ 9 اگست ءَ ٹوئیگر فورس ڈے برجم دارگ بیت، منی گوما راجی اسمبلی ءِ باسک ، سینیٹ ءُ ایندگر ھواریں مردم ھم ایشی ءِ تہ ءَ ھوار بہ باں، مارا وتی باھند آناں گہتریں آیوکیں باندات ءِ واستہ کار کنگ لوٹ ایت، ٹائیگر فورس نہال کشگی گامگیج ءِ تہ ءَ بھر زوری بکنت، ھمک مردم ءَ را نہال کشگی گامگیج ءِ تہ ءَ بھر زوری کنگ لوٹ ایت۔ اے ھیالانی درشانی آئی ءَ سئے شمبے ءِ روچ ءَ ٹائیگر فورس ءِ والنٹری کار کنوکیں مردم آنی نام ءَ ھاسیں کلوہ ءِ تہ ءَ کت۔ مزن وزیر ءَ گوشت کہ ما وتی نوکیں باھند آناں گہتریں آیوکیں باندات دیگ ءِ واستہ کار کنگ لوٹ ایت۔ آئی ءَ گوشت کہ ٹائیگر فورس ڈے 9 اگست ءَ برجم دارگ بیت۔ ایشی یے من وت سروکی ءَ کناں۔ 9 اگست یاتگیریں روچے بیت۔ آئی ءَ گوشت کہ منی گوما منی ھمبراھ داری ءَ راجی اسمبلی ءِ باسک، ءُ سینیٹ ءِ باسک ءُ ایندگر مردم ھوار انت۔ آئی ءَ گوشت کہ ٹائیگر فورس نہال کشگی گامگیج ءِ تہ ءَ ھوار باں۔ ھمک مردم نہال کشگ ءِ گامگیج ءَ بھر زوری کنگ لوٹ ایت۔ آئی ءَ گوشت کہ یکیں روچ ءَ ریکاٹ درچک کشاں، ھرکس اے گامگیج ءَ بھر زوری کنگ لوٹ ایت آ مزن وزیر پورٹل ءَ وتی رجسٹریشن ءَ بکنائین ایت۔ والنٹری پُل ءُ درچک کشوک آناں پُل ءُ درچکی نہال ءُ ایندگر آسراتی یے پجاری ءَ ھوار سرجمیں سرپدی ءُ کمک پجاری کنگ بیت۔