اسلام آباد ۔ 28 جولائی (اے پی پی) مزن وزیر عمران خان ءَ ھاسیں کمکار برائے ورنا آنی کار عثمان ڈار ءَ گند ءُ نند کت۔ گند ءُ نند ءِ ساھت ءَ سرجمیں ملک ءَ ٹائیگر فورس ڈے برجم دارگ ءِ تیاری آنی سر ءَ شور ءُ مشور کنگ بوت۔ سئے شمبے ءَ مزن وزیر کارگس ءِ میڈیا سیل ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ والنٹری کار کنوکیں ورنا آناں وتی مستری ءَ پیسلہ کتگ۔ مزن وزیر عمران خان ءِ ھاسیں کلوہ مرچی (سئے شمبے) ءَ شنگ ءُ تالان کنگ بیت۔ گند ءُ نند ءِ ساھت ءَ ٹائیگر فورس ءِ ھوالگ ءَ چین ءِ نیمگ ءَ نبشتہ بوتگیں نمدی ھم مزن وزیر ءَ را پیش کنگ بوت۔ مزن وزیر ءَ میاں اوستمانی تک ءَ ٹائیگر فورس ءِ سہرا بوھگ ءُ توسیپ ءِ پد ءَ ساڑات۔ مزن وزیر عمران خان ءَ ٹائیگر فورس ءِ رجسٹریشن یک رند ءِ پد ءَ پچ کنگ ءَ جار جتگ۔ مزن وزیر ءَ وتی کلوہ ءَ رجسٹریشن ءُ ٹوئیگر فورس ڈے ءِ رمس ءِ جار ج ءَ جنت۔ آ ورنا آناں راجی نہال کشی ءِ گامگیج ءَ ھوار بوھگ ءِ اپیل ءَ ھم کنت۔
