وزیراعظم عمران خان پاکستان ءِ بدلیفنگ ءِ، ڈاکٹر شہباز گل

’’گوادر آن واپاری گڑاتا اوغانستان روانگی، اسٹاک مارکیٹ اٹ ترندی‘‘
اسلام آباد۔ 28 جولائی (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ وزیراعظم عمران خان پاکستان ءِ بدلیفنگ ءِ۔ گوادر بندرگاہ آن اوغانستان اسکان کارگو نا ٹرانزٹ کنسائمنٹ نا باقاعدہ بناءِ کننگانے۔ سے شنبے نادے آ تینا ٹویٹ اٹ اوپارے کہ پاک اوغان ٹرانزٹ نا رداٹ واپاری گڑاتا اولیکو کھیپ گوادر آن اوغانستان آ گدریفنگانے۔ اوپارے کہ 27 جولائی آ پاکستان اسٹاک ایکسچینج اٹ 615 پوائنٹ آتاودکی مس و اسٹاک مارکیٹ 38 ہزار 223 پوائنٹ آتا کہول آ بس ہرا داہیت انا شاہدی ءِ کہ وزیراعظم عمران خان دور حکومت اٹ پاکستان بدل مننگ ءِ۔