ڈاکٹر ثانیہ نشتر احساس ایمرجنسی کیش پروگرام اٹ ویب پورٹل ناکمک اٹ تینا اہلیتءِ پک کننگ نا وڑوڈول آتا بابت آگاہی کن معلوماتی ویڈیو اس جاری کرے

اسلام آباد۔ 28 جولائی (اے پی پی) وزیراعظم نا خصوصی کمکار تخفیف نیزگاری و راجی رکھ ڈاکٹر ثانیہ نشتر احساس ایمرجنسی کیش پروگرام اٹ ویب پورٹل نا کمک اٹ تینا اہلیت ءِ پک کننگ نا وڑوڈول نا بابت آگاہی کن معلوماتی ویڈیو اس جاری کرینے۔ تینا ویڈیو کلہو اٹی ڈاکٹر ثانیہ نشتر پارے کہ احساس ایمرجنسی کیش پروگرام نا درخواست گزار آتا آسراتی کن احساس ’’نویور اسٹیٹس ویب پورٹل (Portal Web Status Your Know)‘‘ درستی راستی کرفینے۔ دا پورٹل نا کمک اٹ ہمو بندغ آک ہرا 8171 آ کمکی زر اکن اندراج کرفینواوپورٹل آ تینا شناختی کارڈ نمبر ءِ درج کرسا تینا اہلیت ءِ معلوم کننگ کیرہ۔ احساس ایمرجنسی کیش پروگرام کن تروک آ درخواست آتا اہلیت نا تعین مربوط قاعدہ و ضابطہ و ڈیٹا اینا لیٹکس آ جوڑ نظام انا رداٹ کننگانے۔ ہمو غٹ درخواست گزار آک ہرا 8171 ایس ایم ایس سروس نا کمک اٹ داپروگرام اٹ اوار مسوسر تینا درخواست آتا اہلیت ءِ دا پورٹل نا کمک اٹ آسانی اٹ معلوم کننگ کیرہ۔ اگہ او اہل مریر تو تینا خڑک انا احساس زرتس ہند آ ہنسا 12،000 روپئی نا احساس کمکی زر ہلنگ کیرہ۔ الس نا آسراتی کن نادرا نا کمک اٹ جوڑ کروک آ https://ehsaas.nadra.gov.pk/ehsaasTrackingداپوررٹل ذیل لنک آ ہُننگ مریک۔ احساس ایمرجنسی کیش صارف آتا آسانی کن احساس زرتس ہند آتا پورو فہرست بمعہ ایڈریس احساس نا درج ذیل ویب سائٹ آ دستیاب ءِ۔ https://www.pass.gov.pk/Document/Download/Consolidate_list_of_Campsitis_Julyاحساس نا پندار کروک بینک آتا برانچ آتا پورو فہرست ہم احساس نا ویب سائٹ آ درج ذیل لنک آ ساڑی ءِ۔
https//: www.pass.gov.pk/Document/Downloads/List_of_Bank_Branches.pdf