اسلام آباد۔ 28 جولائی (اے پی پی) تدوک آ بیست ءُ چار گھنٹہ ٹی کوروناوائرس آن زہمی 23 بندغ زوال کریر ہرافتیان 21 بندغ ہسپتال آتیٹی و 2 بندغ اُراتیٹی قرنطینہ ٹی زوال کریر۔ نیشنل کمانڈ اینڈ آپریشن سینٹر نا رپورٹ نا رداٹ تدوک آ بیست ءُ چار گھنٹہ ٹی 19 ہزار 610 کورونا نا ٹیسٹ کننگا ہرافتیان سندھ اٹی 8 ہزار 742، پنجاب اٹی 7 ہزار 14، خیبرپختونخوا ٹی 1 ہزار 730، اسلام آباد اٹی 1 ہزار 266، بلوچستان اٹی 543، گلگت بلتستان اٹی 107آزاد کشمیر اٹی 242 ٹیسٹ کننگا۔ مچ آ ملک اٹ کوروناوائرس آن زہمی مننگ آن پد دراخ جوڑ مروک آتا کچ 2 لکھ 42 ہزار 436مسنے۔ گلگت بلتستان و بلوچستان اٹ کورونا نا اسہ ناجوڑ اس ہم وینٹی لیٹر آ اف وخت اس کہ مچ آ ملک انا ہسپتال آتیٹی کورونا کن جتا 1 ہزار 859وینٹی لیٹر آتیا 233 ناجوڑ ءُ۔ مچ آ ملک اٹ کل کوروناوائرس نا ایکٹو کیس آتا کچ 26 ہزار 934 ءِ، ہرافتے ٹی تدوک آ بیست ءُ چار گھنٹہ ٹی 936 کیس رپورٹ مس۔ داتم اسکان مچ آ ملک اٹ کورونانا ناجوڑ آتا کچ 2 لکھ 75 ہزار 255 ءِ ہرافتیان آزاد کشمیر اٹ 2 ہزار 40، بلوچستان اٹ 11 ہزار 624، گلگت بلتستان اٹ 2 ہزار 10، اسلام آباد اٹ 14 ہزار 938، خیبر پختونخوا ٹی 33 ہزار 510، پنجاب اٹی 92 ہزار 279و سندھ اٹی 1 لکھ 18 ہزار 824 ناجوڑ ءُ وخت اس کہ کورونا غان مروک آ مرک آتا کچ 5 ہزار 865 ءِ۔ سندھ اٹی 2 ہزار 162 مرک مس ہرافتیان تدوک آ بیست ءُ چار گھنٹہ ٹی 9 مرک ہسپتال آتیٹی وخت اس کہ 2 مرک اُراتیٹی قرنطینہ ٹی مس۔ پنجاب اٹ کوروناوائرس نا دین آن مرک 2 ہزار 125 ءُ وخت اس کہ تدوک آ بیست ءُ چار گھنٹہ ٹی 9 مرک ہسپتال آتیٹی مس۔ خیبر پختونخوا ٹی 1 ہزار 180 مرک مس ہرافتیان تدوک آ بیست ءُ چار گھنٹہ ٹی 2 زہمی بندغ ہسپتال آتیٹی داوائرس نا سوب آن جان آن دوتے سلار۔ اسلام آباد اٹ کوروناوائرس نا دین آن مرک آتا کچ 165 ءِ ہرافتیان تدوک آ بیست ءُ چار گھنٹہ ٹی ہسپتال آتیٹی اسہ مرک اس مس۔ بلوچستان اٹی کوروناوائرس نا دین آن مرک آتا کچ 136ءِ۔ گلگت بلتستان اٹی 48 وخت اس کہ آزاد کشمیر اٹی 49 مرک دا وائرس نا سوب آن مس۔ داتم اسکان مچ آ ملک اٹ 19 لکھ 9 ہزار 846کورونا نا ٹیسٹ کننگا۔ مچ آ ملک اٹ کوروناوائرس آن زہمی بندغ آتا درمان نا آسراتی تا 734 ہسپتال آتیٹی 1 ہزار 943 ناجوڑ داخل ءُ۔
