اسلام آباد۔ 28 جولائی (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ کوروناوائرس نا دَین آ سیاست کننگ اٹ غٹ آن مون آ مروک آ وزیراعلیٰ سندھ مراد علی شاہ داوخت آ ہراڑے کن ءِ، کراچی ڈُبنگا ولے اونا اسہ بیان اس ہم بتو۔ سے شنبے نادے آ تینا ٹویٹ اٹی اوپارے کہ اگہ عمران خان و بنجائی حکومت آ دروغ انا تنقید کروئی مرے تو غٹ آن مست او ہیت کیک۔ منہ دے مست اسکان کورونانا دین انا باندات آ میڈیا نا ڈارلنگ مروک آ مراد علی شاہ و اونا ٹیم اینو جعلی ہیڈ لائن چلیفنگ ءُ۔ او شاید کوروناوائرس نا دَین آ الس تون دروغ تڑنگ نا سوب آن اینو تینا مون ءِ ڈکنگ ءُ۔ اوپارے کہ داٹی ہچ ءُ شک اس اف کہ بلاول و مراد شاہ رزاک اٹ ملک انا زرگزران ءِ بھس کننگ خوائسرہ۔ اللہ تعالیٰ اسہ وار ولدا عمران خان ءِ ہمت تس و او نیزگار آتا حق اکن سلیس و اینو مچ آ دنیا اونا سفت ءِ کننگ ءِ۔
