اسلام آباد۔ 28 جولائی (اے پی پی) وزیراعظم عمران خان تون خصوصی کمکار امور نوجوانان عثمان ڈار اوڑدہی کرینے۔ اوڑدہی ٹی مچ آ ملک اٹی ٹائیگر فورس ڈے ءِ اڈتننگ نا تیاری تیا سلابت کننگا۔ سے شنبے نادے آ وزیراعظم آفس نا میڈیا سیل آن جاری بیان نا رداٹ وزیراعظم عمران خان ورنامنشاکار تے تینٹ پت اٹ ہلنگ نا فیصلہ ءِ کرینے۔ وزیراعظم عمران خان نا خصوصی کلہو ءِ اینو(سے شنبے نادے آ) شینک کننگک۔ اوڑدہی ٹی ٹائیگر فورس انا بابت چین نا کنڈآن لکھوک آ چھٹی ءِ ہم وزیراعظم ءِ پیش کننگا۔ وزیراعظم جہانی کہول آ ٹائیگر فورس انا است بڈی ءِ کننگ آ خوشی نا درشانی ءِ کرے۔ وزیراعظم عمران خان ٹائیگر فورس انا رجسٹریشن ءِ اسہ وار ولدا ملنگ نا پارت کرینے۔ وزیراعظم تینا کلہو اٹی رجسٹریشن و ٹائیگر فورس ڈے انا تاریخ نا پڑو ءِ کیک۔ اوورناتیان قومی شجر کاری مہم اٹ اوار مننگ نا خواست ہم کیک۔
