اسلام آباد۔ 28 جولائی (اے پی پی) وزیراعظم عمران خان پارینے کہ 9 اگست آ ٹائیگر فورس ڈے ءِ اڈتننگک، کنتون قومی اسمبلی نا باسک آک، سینیٹ و ایلو مخلوق ہم داٹی اوار مریرہ، ننے تینا چین تا گچین آخبت کن کاریم کروئی مریک، ٹائیگر فورس شجرکاری مہم اٹ بشخ ہلیک، ہربندغ ءِ شجرکاری ٹی بشخ ہلوئی مریک۔ داخیال آتا درشانیءِ او سے شنبے نادے آ ٹائیگر فورس انا منشاکار آتیکن خصوصی کلہو اٹی کرے۔ وزیراعظم پارے کہ ننے تینا چین تا گچین آخبت کن کاریم کروئی مریک۔ اوپارے کہ ٹائیگر فورس ڈے ءِ 9 اگست آ اڈتننگک ہرانا ای تینٹ کماشی ءِ کیوہ۔ 9 اگست یات گار ءُ دے اس مریک۔ اوپارے کہ کنتون قومی اسمبلی نا باسک آک، سینیٹ و ایلو مخلوق اوار ءُ۔ ٹائیگر فورس شجرکاری مہم اٹی بشخ ہلیرہ۔ ہربندغ ءِ شجرکاری مہم اٹ بشخ ہلوئی مریک۔ اوپارے کہ جہانی حدت آن بچنگ کن ننے کاریم کروئی مریک۔ اوپارے کہ نن اسہ دے اٹی ریکارڈ درخت خلینہ ہرابندغ دامہم نا اٹ بشخ ہلنگ خواہک او وزیراعظم پورٹل اٹ تینے رجسٹریشن کرفر۔ منشاکار آتے نیال آتا فراوانی تون اوار ایلو باندات آتیا پورو آگاہی فراوان کننگک۔
