اسلام آباد۔ 27 جولائی (اے پی پی) بنجائی وزیر پاور وپٹرولیم عمرایوب خان تون گورنر پنجاب محمد سرور اوڑدہی کرے۔ اوڑدہی ٹی حکومت پاکستان نا توانائی نا برجاڈٹ و چندی گام گیج آتیا سرجم گپ وتران کننگا۔ پاور ڈویژن نا اعلامیہ نا رداٹ گورنر پنجاب بنجائی وزیر پاور ءِ پارے کہ پنجاب اٹ بجلی دُزی و بل تفروک آتا برخلاف بنجائی حکومت ءِ پبی کمک فراوان کننگ انگ ءِ۔ اوبنجائی وزیر ءِ پنجاب اٹ جاری شونداری کاریم و صنعتی بشخ اٹ اصلاحات نا بابت ہم معلومدار کرے۔ بنجائی وزیر پاور عمرایوب خان بجلی صارف آتیکن کروک آ چندی گام گیج تیان معلومدار کرے۔ اومچ آ ملک اٹی بجلی دُزی و بل تفروک آتا برخلاف برجامہم نا بارواٹ ہم سرجم حوال تس۔ بنجائی وزیر پارے کہ پنجاب اٹ انتظامیہ و کانود نافذ کروک آ ادارہ غاتا پبی کمک اتون بجلی دُزآتا برخلاف ایکشن اٹ بھلو سرسہبی اس ملانے۔ بنجائی وزیر پارے کہ کورونا نا سوب آن نیشنل گریڈ اٹ کروک آ سسٹم اپ گریڈیشن اٹ ہرے مسوسس ہراڑآ داسہ کاریم نا بناءِ کننگانے۔
