بھلاعئید انا وخت آ ایس او پی تیا عملدرآمد ءِ پک کننگے، محمود خان
پشاور۔ 27 جولائی (اے پی پی) کورونا نا دین انا تالانی ءِ توننگ کن خیبرپختونخواحکومت نا گام گیج آک ستاکڑزرہ، اسدعمر، الس آن خواست ءِ کہ بھلاعئید انا وخت آ ایس او پی تیا عملدرآمد ءِ پک کننگے، محمود خان دوشنبے نادے آ پشاور سیکرٹریٹ اٹ وزیراعلیٰ خیبرپختونخوا تون اوار پریس کانفرنس آن تران اٹی بنجائی وزیر پلاننگ اینڈ ڈویلپمنٹ اسد عمر پارینے کہ کورونا دین انا بابت خیبرپختونخوا ءِ بھاز زیات چیلنج مون تروک ئس دین انا تالانی ءِ توننگ کن صوبائی حکومت نا گام گیج آک ستاکڑزرہ۔ اوپارے کہ وزیراعلیٰ محمود خان کورونا نا بابت غٹ باندات آتا تینٹ چاروکی ءِ کرینے۔ اوپارے کہ کورونا نا چرجوئی ٹی صوبائی وزیر جان جوڑی تیمورسلیم جھگڑاو چیف سیکرٹری فرنٹ لین آ کاریم کرینو۔ صوبائی حکومت نا گچین و وخت آ گام گیج آتا سوب آن صوبہ ٹی کورونا کیس آتیٹی پیدوار کمتی بسنے ولے دین انا خطرہ داسکان ارے ہنداخاطرآن خیال کننگ بھاز المی ءِ۔ اوالس آن خواست کرے کہ بھلاعئید ءِ سادہ ئی اٹ کیر، اسد عمر پارے کہ مچ آ ڈیہہ ٹی کورونا نا بابت پاکستان نا حالیت آک است بڈ ءُ داوخت آ وزیراعلیٰ خیبرپختونخواہ محمود خان پارے کہ بھلاعئید انا وخت آ دین انا تالانی نا گڑتی ارے الس خیال تخر و عئید ءِ سادہ ئی اٹ و تینا اُراتیٹی کیر۔ اوپارے کہ داعئید آ کورونا غان شہید مروک آتے خصوصی وڑاٹ یات کننگےحکومت انت کہ گام گیج اس کننگ ءِ او الس نا جان تے رکھ کننگ کن ءُ۔ بھلاعئید انا وخت آ ایس او پی تیا عملدرآمد ءِ پک کننگے۔ اوپارے کہ ای تینٹ ہم بھلاعئید ءِ سادہ ئی اٹ کننگ نا فیصلہ کرینٹ و تینا کابینہ باسک آتے ہم عئید ءِ سادہ ئی اٹ کننگ نا پارت کرینٹ۔ اوالس آن خواست کرے کہ او بھلاعئید آ سیل و سواتی ہند آتا کنڈآ ہِنپس بھلاعئید آن پد سیل و سواتی ہند آتے ملنگ کن این سی سی نا دیوان اٹ سلابت کننگک۔
