مچ آ ملک اٹی کوروناوائرس نا ایکٹو کیس آتا کچ 27،421ئس،2،41،026زہمی بندغ دراخ جوڑ
اسلام آباد۔ 27 جولائی (اے پی پی) نیشنل کمانڈ اینڈ آپریشن سینٹر (این سی اوسی) نا خصوصی دیوان بنجائی وزیر ڈٹ بندی، شونداری، اصلاحات وخصوصی گام گیج اسد عمر نا کماشی ٹی پشاور اٹی مس، ہرانا میزبانی ءِ وزیراعلیٰ خیبرپختونخوا کرے، دیوان اٹی این سی او سی نا نیشنل کوارڈنیٹر لیفٹیننٹ جنرل زمان خان و ایلو باسک آک بشخ ہلکر۔ دیوان اٹی عئید قربانی نا بابت پِڑی تیکن ایس او پی و سلاہ تیا ہیت وگپ کننگا۔ تدوک آ 24 گھنٹہ ٹی کوویڈ۔ 19 آن 20 مرک مس ہرافتیان 17 مرک ہسپتال آتیٹی و 3 مرک اُراتیٹی مس۔ داوخت آ مچ آ ملک اٹی کوویڈ۔ 19 نا ایکٹیو کیس آتا کچ 27 ہزار 421 ءِ۔ تدوک آ 24 گھنٹہ ٹی کوویڈ۔ 19 نا پازیٹو کیس آتا کچ 1 ہزار 176 ئس۔ داوخت اٹی 22 ہزار 56 کورونا نا ٹیسٹ کننگا ہرافتیان سندھ اٹی 10 ہزار 480، پنجاب اٹی 7 ہزار 23، خیبرپختونخوا ٹی 1 ہزار 733، اسلام آباد اٹی 1 ہزار 644، بلوچستان اٹی 639، گلگت بلتستان اٹی 102، آزاد کشمیر اٹی 436ٹیسٹ اوار ءُ۔ مچ آ ملک اٹی داتم اسکان کوویڈ۔ 19 آن دراخ جوڑ بندغ آتا کچ 2 لکھ 41 ہزار 26 مسنے۔ آزاد کشمیر، گلگت بلتستان و بلوچستان اٹی اسہ ناجوڑ اس ہم وینٹی لیٹر آ اف۔ مچ آ ملک اٹی کوویڈ۔ 19 نا ناجوڑ آتیکن جتا 1 ہزار 859وینٹی لیٹر آتیا 227 ناجوڑ ءُ۔ کوویڈ۔ 19 آن مرک آتا کچ 5 ہزار 842 ءِ ہرافتیان سندھ اٹی 2 ہزار 151 مرک مس ہرافتیان تدوک آ 24 گھنٹہ ٹی 13 مرک ہسپتال آتیٹی مس وخت اس کہ 3 مرک اُراتیٹی مس۔ پنجاب اٹی کوویڈ۔ 19 آن 2 ہزار 116 مرک مس۔ خیبر پختونخوا ٹی 1 ہزار 178 مرک مس ہرافتیان تدوک آ 24 گھنٹہ ٹی 2 مرک ہسپتال آتیٹی مس۔ اسلام آباد اٹی کوروناغان جم وڑاٹ 164 مرک مس ہرافتیان تدوک آ 24 گھنٹہ ٹی ہسپتال اٹی کوویڈ۔ 19 نا اسہ ناجوڑ اس زند آن دوتے سلا۔ بلوچستان اٹی کوویڈ۔ 19 آن 136 مرک مس۔ گلگت بلتستان اٹی 48 مرک مس ہرافتیان تدوک آ 24 گھنٹہ ٹی کوویڈ۔ 19 نا اسہ ناجوڑ اس ہسپتال اٹ زوال کرے۔ آزاد کشمیر اٹ کوویڈ۔ 19 آن مرک آتا کچ 49ءِ۔ داتم اسکان مچ آ ملک اٹی 18 لکھ 90 ہزار 236 کورونا نا ٹیسٹ کننگانے۔ مچ آ ملک اٹی کوویڈ۔ 19 نا درمان نا آسراتی والا 734 ہسپتال آتیٹی داوخت آ کوویڈ۔ 19 نا 1 ہزار 864 ناجوڑ داخل ءُ۔
