کوروناوائرس آن مرک آتیٹی 87 درسد کمتی بس، داسہ ہم ڈیوالائی نا گنجائشت اف، ڈاکٹر ظفرمرزا

اسلام آباد۔ 27 جولائی (اے پی پی) وزیراعظم نا خصوصی کمکار قومی جان جوڑی ڈاکٹر ظفرمرزا پارینے کہ الحمداللہ اینو پاکستان اٹ تدوک آ مسہ تُو اٹی کوویڈ۔ 19 آن غٹ آن کم مرک ریکارڈ مسنے۔ دوشنبے نادے آ تینا ٹویٹ اٹی اوپارے کہ 20 جون آ مروک آ 153 مرک آتا مقابلہ ٹی تدوک آ 24 گھنٹہ ٹی 20 مرک رپورٹ مس، یعنی کوروناوائرس آن مرک آتیٹی 87 درسد کمتی بسنے۔ اوپارے کہ داسہ ہم ہچ ءُ ڈیوالائی اسے نا گنجائشت اف۔