اسلام آباد۔ 27 جولائی (اے پی پی) وزارت ریاستیں و سیمی امور مچ آ ملک اٹی رہینگوک آ 14 لکھ رجسٹرڈ (پی او آر) کارڈ و 8 لکھ اوغان نیشنل کارڈ تخوک آ باہوٹ آتا اڈ کننگ نا مداٹ ودکی کن بنجائی کابینہ ءِ سمری اس گدریفینے ولے کابینہ غان منظوری اسکان دا باہوٹ آتے غٹ آسراتی دوئی ءِ۔ وزارت سیفران غٹ تعلقدار محکمہ بشخ آتے رجسٹرڈ اوغان باہوٹ آتا شناختی دستاویز آتا سمری نا منظوری اسکان باہوٹ آتے بے سوب تنک کننگ آن تورینے۔ وزارت ریاستیں و سیمی امور اسہ نوٹیفکیشن اسے نا کمک اٹ مچ آ ملک اٹ رہینگوک آ رجسٹرڈ اوغان باہوٹ پی او آر کارڈ ہولڈر 14 لکھ وخت اس کہ 8 لکھ پی سی سی اوغانستان شہریت کارڈ تخوک آ نادراتون رجسٹرڈ اوغان باہوٹ آتا اڈ کننگ اٹ بنجائی کابینہ غان ودکی اسکان غٹ ادارہ غاتے بے سوب تنک کننگ نا تورینے۔ یات سلے کہ مچ آ ملک اٹی رجسٹرڈ اوغان باہوٹ آتا اڈ کننگ نا مد یکم جولائی آ چٹانے، مچ آ ملک اٹی داوخت آ 22 لکھ آن زیات اوغان باہوٹ رہینگ انگ ءُ۔
