اسلام آباد۔ 27 جولائی (اے پی پی) اقوام متحدہ نا ہائی کمیشن باہوٹ(یواین ایچ سی آر) پاکستان اٹ کوویڈ۔ 19 نا سوب لاک ڈاؤن آن زہمی حقدار اوغان باہوٹ آتیٹی احساس ایمرجنسی کیش پروگرام ننا وڑآ مالی امداد نا پروگرام ڈونر ملک آتا کمک اٹ برجاتخانے۔ ادارہ مچ آ ملک اٹی 70 ہزار حقدار اوغان باہوٹ خاہوت آتیٹی نغد مالی امداد بشخک۔ دوشنبے نادے آ یو این ایچ سی آر نا ترجمان قیصر خان اے پی پی تون گپ وتران کرسا پارے کہ یو این ایچ سی آر مچ آ ملک اٹی رہینگوک آ رجسٹرڈ اوغان باہوٹ آتیٹی کوویڈ۔ 19 نا لاک ڈاؤن اٹ زہمی مروک آ متوسط خاہوت آتیٹی نغد مالی امداد پاکستان پوسٹ انا کمک اٹ بشخنگ ءِ دا چرجوئی ٹی ہر چار آ صوبہ و اسلام آباد اٹ رجسٹرڈ اوغان باہوٹ آتا 15 ہزار آن زیات حقدار خاہوت آتیٹی امداد بشخنگانے۔ قیصر خان حکومت پاکستان وزارت سیفران داخلہ و خارجہ نا کمک اٹ پاکستان اٹ رہینگوک آ رجسٹرڈ اوغان باہوٹ ہراکوویڈ۔ 19 نا لاک ڈاؤن نا سوب آن بھاز بے وڑ زہمی مسر اوفتے یو این ایچ سی آر پاکستان، پاکستان پوسٹ انا کمک اٹ 12 ہزار روپئی ہر اسہ خاہوت ءِ تننگ انگ ءِ تانکہ او تینا گرج انا کنوئی آ گڑاتے ہلنگ کیر۔ اوپارے کہ دا پروگرام ہمووڑ ءِ ہراوڑ حکومت پاکستان نا کنڈآن احساس ایمرجنسی پروگرام نا رداٹ حقدار مخلوق اٹ 12 ہزار روپئی ادا کننگ انگ ءِ۔ اوپارے کہ بلوچستان نا شار کوئٹہ، صوبہ خیبرپختونخوا، اسلام آباد اٹ ہم اوغان باہوٹ آتا حقدار رجسٹرڈ خاہوت آتیٹی پاکستان پوسٹ انا کمک اٹ 12 ہزار روپئی 36 ہزار اوغان باہوٹ آتا خاہوت آتیٹی اولیکو مرحلہ ٹی بشخنگ انگ ءِ۔ اوپارے کہ اوغان باہوٹ آتا رجسٹرڈ15 ہزار آن زیات خاہوت آتیٹی 12 ہزار فی خاہوت بشخنگانے۔ اوپارے کہ ڈونر ملک آتا کمک اٹ 70 ہزار رجسٹرڈ اوغان باہوٹ آتے نغد مالی امداد فراوان کننگک۔
