اسلام آباد ۔ 27 جولائی (اے پی پی) بنجاھی وزیر پاور ءُ پٹرولیم عمر ایوب خان ءَ گوں گورنر پنجاپ محمد سرور ءَ گوں گند ءُ نند کت۔ گند ءُ نند ءَ حکومت ءِ پاکستان ءِ ھاٹیگ ءِ جاڑٰیگیں منصوبگ ءُ جتا جتائیں گامگیج آنی سر ءَ سرجمیں گپ ءُ تران کنگ بوتگ۔ پاور ڈویژن ءِ جار ءِ رد ءَ گورنر پنجاپ ءَ بنجاھی وزیر پاور ءَ را گوشگ بوت کہ پنجاپ ءَ توان دزُی ءُ زرّ نہ دیوک آنی ھلاپ ءَ بنجاھی حکومت ءِ جوانیں کمک پجاری کنگ بوھگ ءَ انت۔ آئی ءَ گوشت کہ بنجاھی وزیر ءَ را پنجاب ءَ جاڑیگیں دیماروئی کار ءُ صنعتی شوبگ آنی تہ ءَ گہتری کار آنی بابت ءَ سرپد کت۔ بنجاھی وزیر پاور عمر ایوب خان ءَ توان ءِ سبزکرائبر آنی واستہ روکیں جتا جتئایں گامگیج آنی بابت ءَ سرپد کت۔ آئی ءَ سرجمیں ملک ءَ توان ءِ دزئی ءُ زرّ نہ دیوک آنی ھلاپ ءَ جاڑیگیں گامگیج آنی بابت ءَ سرجمیں بریفنگ دات۔ بنجاھی وزیر ءَ گوشت کہ پنجاپ ءَ انتظامیہ ءُ کانود ءَ را مھکم داروکیں ادارگ آنی جوانیں کمک ءِ گوما توان ءِ دُزئی ءِ ھلاپ ءَ مزنیں کامیاتی رستگ۔ بنجاھی وزیر ءَ گوشت کہ کورونا ءِ سبب ئَ نیشنل گرڈ ءِ کتگیں سسٹم اپ گریڈیشن ءِ تہ ءَ مھتلی اتکگ ایشی ءِ سر ءَ نوں کار بندات کنگ بوتگ۔
