مزنیں ائید ءِ موہ ءَ توامیں نمونگ ءِ پارکس، تیاب دپ ءُ توامیں سیل ءُ سوادی جاھ آناں بند کنگ بنت، الس پس آنی منڈی آنی تہ ءَ زیات روگ ءُ آیگ ءِ سبب ءَ منڈی آناں شپ 11 کلاک ءَ پچ کنگ ئِ موہ دیگ بیت، ائید ءَ چہ پد خیبر پختونخوا ءُ گلگت بلتستان ءَ گوں شور ءُ مشور ءَ چہ پد ٹورازم سیکٹر ءَ را پچ کنگ ءِ سر ءَ چار ءُ بچار کنگ بیت، اسد عمر
اسلام آباد ۔ 27 جولائی (اے پی پی) این سی او سی ءِ ھاسیں دیوان پشاور ءَ بنجاھی وزیر برائے دیمروئی ءُ منصوبگ بنددی اسد عمر ءِ سروکی ءَ برجم دارگ بوت ایشی ءِ میزبانی سر وزیر خیبر پختونخوا محمود خان ءَ کت۔ دیوان ءَ این سی او سی ءِ ھاسیں ٹیمب ءُ صوبائی چیف سیکرٹریز آں ابید ایندگ صوبگ آںی اگدہ دار آں ویڈیو لنک ءِ وسیلگ ءَ بھر زوری کت۔ دیوان ءَ مزنیں ائید ءِ موہ ءَ پس آنی منڈی آنی ھوالگ ءَ ایس او پیز ءُ رکھینگی اتنظامی آنی بابت ءَ بریفنگ دیگ بوت۔ ایشی ءِ گوما ھوپ ءِ استیں جاور ھال آناں چارگ بوت۔ الس ءِ سیل ءُ سوادی ھند آںی نیمگ روگ ءِ دلگوشی ءِ تہ ءَ کمی ءِ واستہ گامگیج آنی سر ءَ چار ءُ بچار کنگ بوت۔ سمارٹ لاک ڈائون ہاٹ سپاٹ ءِ ھوالگ ءَ اپڈیٹ دیگ بوت۔ سر وزیر خیبر پختونخوا محمود خان ءَ این سی او سی ٹیمب ءُ ایندگر کارندہ آناں پشاور ءِ آیگ ءِ پد ءَ وش اتک کت۔ آئی ءَ بنجاھی وزیر برائے دیمروئی ءَ منصوبگ بندی اسد عمر ءِ خیبر پختونخوا حکومت ءِ کورونا ءِ گر ءُ دار ءِ ھوالگ ءَ کوشست آناں ساڑاھگ ءِ پد ءَ شگر ءُ منت واری گپت۔ دیوان ءَ این سی او سی ئِ نیشنل کورآرڈینیٹر لیفٹیننٹ جنرل حمود الزمان خان ، مزن وزیر ءِ ترجمان برائے کوویڈ 19 ڈاسکٹر فیصل سلطان ، مزن وزیر ءِ ھاسیں کمکار ڈیجیٹل پاکستان تانیہ ایدروس ، چیف سیکرٹری خیبر پختونخوا ڈاکٹر کاظم نیازی ءُ ایندگر آں بھر زوری کت۔
