اسلام آباد ۔ 26 جولائی (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مزن وزیر عمران خان ءِ سروکی ءَ نیشنل کمانڈ اینڈ آپریشن سینٹر (این سی او سی ءِ وسیلگ ءَ بنجاھی ءُ صوبائی حکومت، پاک اُرد ء، گوما یکجائی ءَ کوویڈ-19 ءِ گوما جوانیں رنگ ءَ کشاں چیل کنگ ءَ انت، مرچی سرجمیں دگنیا پاکستان ءِ کامیاتیں گامگیج آناں سہرا کنگ ءَ ساڑاھگ ءَ انت، مزن وزیر عمران خان ءِ سروکی ءَ چست کتگیں گامگیج آنی بدولت ءَ پاکستان ءَ کورونا وائرس ءِ زور نا ایوک ءَ کم بوتگ بلکینگ ءَ ھمک روچ بیرانی آنی کساس ءِ تہ ءَ کمی اتکگ۔ الس آں گوں دست بندی انت کہ مزنیں ائید ءِ ساھت ءَ وزارت ء، جان سلامتی ءِ نیمگ ءَ جاڑی بوتگیں رکھینگی رھبند آناں پد ءُ رند بکن انت ءُ گائیڈ لائنز ، ایس او پیز آں وتی بکن انت تانکہ کورونا وائرس ءِ شنگ ءُ تالانی گیش مہ بیت۔ پاکستان ءِ 22 کروڑ الس ڈاکٹر، سلاھ بندیں اُرد، سیکورٹی ادارگ آنی سروکی ءِ پیسلہ آںی پد ءُ رند ءَ چہ سہرا بوتگ کہ پاکستان ایوک راج انت کہ ایش کجام ھم بلاھ ءُ آپت ، ھوپ ءُ جیڈھ ءِ گوما دیم پہ دیمی ءِ ساھت ءَ یک جان ءُ یکوئی ءِ گوما دیم پہ د یمی کنت انت۔ آ یک شمبے ءِ روچ ءَ ھاسیں کمکار ڈیجیٹل پاکستان ثانیہ ایدروس ءُ مزن وزیر ءِ فوکل پرسن برائے کوویڈ-19 ڈاکٹر فیصل سلطان ءِ ھمبراھی ءَ یکجائی پریس کانفرنس ءَ گوں گشتانک دیان ءَ کت۔ بنجاھی وزیر سینیٹر شبلی فراز ءَ گوشت کہ کورونا وائرس ءِ کیس چین ءَ چہ پد یورپ، برطانیہ، نیامی رودراتک ءِ دیم ءَ اتکگ انت۔ جنوری، فروری 2020 ءَ پاکستان ءَ کورونا ءِ یک کیس ءِ رپوٹ نہ بوتگ۔ اے وھد ءَ پاکستان اے میاں اوستمانی ھوپ ءَ گوں کشاں چیل ءِ واستہ سرجمیں رنگ ءَ تیار نہ بوتگ۔ جان سلامتی ءِ کوکا، ملک ءِ معاشی جاور ھال ءُ زمینی راستی آنی رد ءَ مزن وزیر عمران خان ءَ یک گامگیج ءِ بست ءُ بند کتگ ھمے رنگ ءَ سرجمیں دگنیا ءَ لاک ڈائون جتگ بوتگ۔ پاکستان اے رنگیں لاک ڈائون ءِ سگگ ءَ تیار نہ ات۔ پاکستان ءَ لستیں وھد ءِ واستہ لُکوکیں لاک ڈائون جنگ ءَ چہ ایشی ءِ جوانیں رند پد دیم ءَ سہرا بوتگ چیا کہ دیمروئی کنوکیں ملک آوانی ہیلتھ کئیر ءِ نظام سک باز جوان انت آھودا ھم نہ وشیں واکیہ رپوٹ بوتگ۔ آئی ءَ گوشت کہ مزن وزیر عمران خان ءِ بنیادی سسا انت کہ ملک ءِ گریب ءُ پشمندگیں تبک ءِ مردم ، ریڑی والا آنی واستہ اے رنگیں جاور جوڑ کنگ بہ بیت کہ آ بیگاہ ءَ وتی زھگ آنی لاپ ءَ کشت بکن انت ۔ اشکیں دست ءَ گس ءَ مہ رونت۔ آئی ءَ گوشت کہ عمران خان ئِ کامیاتیں گامگیج آنی بدولت ءَ میاں اوستمانی ھوپ ءِ گر ءُ دار کنگ ءِ گوما ملک ءَ زندمان ، جان سلامتی ءُ روزگار یک پجی ءَ چلیتگ انت۔ آئی ءَ گوشت کہ اگاں ما وت ءَ مہ رکھین آں گڈا مشکلیں جاور ھال دیم ءَ سہرا بوت کناں۔ آئی ءَ گوشت کہ بے ماسک ءَ شہری مردم گساں چہ ڈن ءَ در مکپ آں ءُ چاگردی گستائی ءَ را دل یکیمی بکن انت۔ ما درستاناں وتی وتی زمہ واری پیلو کنگ لوٹ ایت۔ آئی ءَ گوشت کہ پاکستان ءَ کورونا ٹیسٹ ءِ ھمک روچ کچ ءُ کساس 50 ہزار ءَ چہ گیش بوتگ۔ آئی ءَ گوشت کہ اگاں الس ءَ ایس او پیز آنی پد ءُ رند نہ کت گڈا اے ھوپ گیش شنگ ءُ تالان بیت۔ آئی ءَ گوشت کہ ھوپ ءَ چہ رکھگ ءِ واستہ چاگردی گستائی آنی رھبند آناں وتی کنگی انت۔ آئی ءَ گوشت کہ کورونا ءِ زور بوت گڈا فرنٹ لائن ءِ سر ءَ کار کنوکیں آناں جانی قربانی دیگ کپ ایت، صوبائی حکومت ءُ سیادی داروکیں ادارگ آں ھوپ ءِ گر ءُ دار ءِ واستہ گیشاں چہ گیش بھر زوری کتگ۔ آئی ءَ گوشت کہ سرجمیں ملک ءَ 102 کرونا ٹیسٹنگ لیبز کار کنگ ءَ انت۔
