پارلیمانی سیکرٹری برائے منصوبگ بندی کنول شوذب ءِ اے پی پی ءَ گوں تران
اسلام آباد ۔ 26 جولائی (اے پی پی) بنجاھی پارلیمانی سیکرٹری برائے منصوبگ بندی کنول شوذب ءَ گوشت کہ کشمیر ءِ جیڈھ ءِ سر ءَ میاں اوستمانی برات واب بوتگ انت، مزن وزیر عمران خان ءَ دگنیا ءَ را کشمیر ءِ جیڈھ ءِ بابت ءَ پجاروکی کنائینتگ، مودی ءِ فاشزم سرجمیں دنیا ءِ دیم ءَ سہرا بوتگ، استیں حکومت ءَ کشمیر ءِ جیڈھ ءِ ھوالگ ءَ راستیں کشک ءَ رھادنگ انت ئُ من سرجمیں رنگ ءَ دل یکیم آں کہ زوت کشمیر ءَ را آجوئی رسیت ۔ یک شمبے ءِ روچ ءَ اے پی پی ءَ گوں تران کنان ءَ آئی ءَ گوشت کہ مزن وزیر عمران خان ءَ میاں اوستمانی دگنیا ءِ دیم ءَ جوانیں رنگ ئَ کشمیر ءِ جیڈھ ءَ را سہرا کتگ، دگنیا پیسر ءَ اے جیڈھ ءِ بابت ءَ واب بوتگ ءُ ایشرا پاکستان ءُ بھارت ءِ توکی جیڈ ھ ءِ پھمگ ءَ بوتگ انت بلے اے گپ نوں ساپ انت۔ پارلیمانی سیکرٹری برائے منصوبگ بندی ءَ گوشت کہ مزن وزیر عمران خان ءَ گوستگیں سال ءَ یونائیٹڈ نیشنن ءِ جنرل اسمبلی ءَ وتی گشتان ءِ ساھت ءَ سرجمیں دگنیا ءَ اے جیڈھ ءِ بابت ءَ سرپدی داتگ ایشی ءَ چہ پد دگنیا ءَ اے جیڈھ ءَ را پکوئی ءَ زرتگ، بنی آدمی ھک آنی رکھینوکیں گل ، سرجمیں یورپی ونینز ءُ یونائیٹڈ نیشن ءِ ایندگر ادارگ ھم اے جیڈھ ءِ سر ءَ تران کنگ ءَ انت۔ کنول شوذب ءَ گوشت کہ مودی ءِ فاشزم سرجمیں دنیا ءَ سہرا بوتگ، استیں حکومت ءَ کشمیر ءِ ھوالگ ءَ پالیشی جوان انت ءُ راستیں کشک ءَ رھادگ انت ، زوت کشمیر ءَ را آزاتی رسیت۔
