سینیٹ ءِ درئی کارانی کمیٹی ءِ چئیرمین مشاہد حسین سید ءِ اے پی پی ءَ گوں تران
اسلام آباد ۔ 26 جولائی (اے پی پی) سینیٹ ءِ درئی کارانی کار ءِ کمیٹی ءِ چئیرمین مشاہد حسین سید ءَ گوشت کہ کشمیر اے وھد ءَ سرجمیں دگنیا ءِ مستریں کیز جوڑ بوتگ، ادا بنی آدم آنی لگت مالی ءِ درستاں چہ مستریں جرم بیت، بھارتی حکومت یک پکوئیں پندلے ءِ رد ءَ فلسطین وڑیں ماڈل ءِ کشمیر ءِ جاور آں کنگ ءِ کوشست ءَ کنگ ءَ انت ءُ آر ایس ایس ءِ فاشسٹ پالیشی گشتریں مردم آناں کمو ک ءِ تہ ء۔ مٹ کنگ بہ بیت۔ کشمیری الس پاکستان ءِ واستہ جنگ ءَ مڈگ ءَ انت۔ کشمیری الس آں مودی ءِ ظلم ءَ را رد کتگ، آ آئی یے ھلاپ ءَ گہگیری ءَ انت۔ یک شمبے ءِ روچ ءَ اے پی پی ءَ گوں تران کنان ءَ آئی ءَ گوشت کہ کشمیری الس آنی ھلاپ ءَ ڈبل لاک ڈائون انت، یکے انتظامی لاک ڈائون انت ایش 5 اگست 2019 ءَ چہ بندات بوتگ، کشمیر اے وھد ءَ دگنیا ءِ درستاں چہ مستریں کیزہ خانہ جوڑ بوتگ وھدیکہ دومی لاک ڈائون کورونا وائرس ءِ سبب ءَ جنگ بوتگ۔ سینیٹر مشاہد حسین سید ءَ گوشت کہ بھارتی حکومت ءَ آسیہ اندرابی ءَ را زبردستی ءَ تھاریں کیز خانہ ءِ تہ ءَ ایر بند کتگ، ما پھم آں کہ ایشی ءِ واستہ گوانک ءِ چست کنگ ءُ مودی ءِ ظلم ءَ را سہرا کنگ ضلوری انت۔ آئی ءَ گوشت کہ بھارتی حکومت یک سسا کتگیں پندلے ءِ چیر دستی ءَ فلسطین وڑٰیں جاور آرگ ءِ کوشست ءَ کنگ ئَ انت۔ مودی آر ایس ایس ءِ فاشسٹ پالیشی ءِ چیر دستی ءَ کشمیر ءَ آبات کاری کنگ ءِ کوشست ءَ کنگ ءَ انت۔ بلے آ اچبر وتی نہ وشیں جوزگ آنی تہ ءَ کامیات نہ بیت۔ مشاہد حسین سید ءَ گوشت کہ من پھماں کہ اے وھد ءَ بال پاکستان ءِ کورٹ ءِ تہ ءَ انت، پاکستان ءَ را لوٹ ایت کہ آ جوانیں رنگ ءَ ، گوں بلدکاری ءُ جوانیں جوزگ ءِ گوما کشمیری الس آنی کیس ءَ فائل بکنت۔
