پشاور ۔26جولائی ( اے پی پی) بنجاھی وزیر برائے نیک راھی کار پیر نور الحق قادری ءَ گوشت کہ ملکی جیڈھ عالم آں گوں سوج ءُ سر زورگ ءَ چہ گیوار بوت کن انت، اگاں عالم آنی سروکی ءِ واستہ پالیشی جوڑ کنگ بہ بیت گڈا جوانیں آسر دیم ءَ سہرا بوت کن انت۔ 40 سال ءَ چہ ملک ءَ را تباہ کنگ ءِ کوشست کنگ بوتگ، زبان ءِ نام ءَ راج آناں وت مہ وت مڈینگ ءِ کوشست کنگ بوتگ پدا ھم عالم آنی سروکی ءَ چہ جیڈھ آنی گیواری بوت کنت۔ اے ھیالانی درشانی آئی ءَ متحدہ شریعت محاذ پاکستان ءِ بندوبست کتگیں پشاور پریس کلب ءَ اتحاد امت کانفرنس ءِ برجائی ءِ موہ ءَ وتی گشتانک ءِ تہ ءَ دات اے دیوان ءِ تہ ءَ ٹوھ ٹوھیں نیک راھی زانتکار، روح اللہ مدنی، پروفیسر ڈاکٹر عبدالغفور ،عابد حسین شاکری، مولانا صاحبزادہ جنید مانکی شریف ءُ مقصود سلفی ءَ ھوار ایندگر عالم آنی مزنیں کساسے ءَ بھر زوری کت۔ اے موہ ء، سر ءَ گشتانک دیان ءَ بنجاھی وزیر نور الحق قادری ءَ گوشت کہ عالم آنی واستہ پالیشی جوڑ کنگ بہ بیت گڈا جوانیں آسر سہرا بیت۔
