اسلام آباد ۔ 26 جولائی (اے پی پی) بنجاھی وزیر کشمیرءُ گلگت بلتستان ءِ کار علی امین گنڈا پور ءَ گوشت کہ میاں اوستمانی برات کشمیرری آناں آوانی بنیاتی ھک ءِ دیگ ءِ واستہ وتی جوانیں کرد ءَ پیلو بکن انت، مودی ءِ فاشسٹ حکومت ئَ کشمی آناں آوانی پیدائشی ءُ اقوام ءِ متحدہ ءَ چہ منوگر بوتگیں وت واجئی ھک ءَ چہ زبھر کتگ، کشمیری بازیں سال ء۔ چہ بھاتی لٹ ءُ کُٹ ءُ پندل آنی ھلاپ ءَ جہد ءُ کوشست کنگ ءَ انت۔ اے پی پی ءَ را داتگیں گلگدار ءِ تہ ءَ آئی ءَ گوشت کہ بھارت ءِ نیمگ ءَ کشمیر ءَ نہ بنی آدمی لگت مالی ءَ چہ گپ سہرا انت کہ میاں اوستمانی برات وش وابی ءَ چہ جھ بِہسر آں ۔ آئی ءَ گوشت کہ 5 اگست 2019 ءِ روچ ءَ لکشمیر ءِ راجدپتر ءَ یک دگہ سیاھیں روچ ات وھد ءِ بھارت ءَ کشمیری آنی ھاسیں بستار ءَ ھلاس کت۔ کودکیں کشمیری آنی فوجی چپ ءُ چاگرد، لٹ ءُ کُٹ کرفیو ءُ مردم آنی کوش ءَ چہ کشمیر آنی زندمان ءِ ھرابیں جاور آنی آماچ انت۔ آئی ءَ گوشت کہ پاکستان کشمیری آنی سیاسی، سفارتی ءُ اخلاقی کمک ءَ را جاڑٰی دار ایت۔ مزن وزیر عمران خان کشمیری آنی سفیر بوھان ءَ دیم ءَ سہرا بوتگ۔ آئی ءَ دگنیا ءِ دلگوش ءِ دیگ ءِ واستہ ھمک فورم ءِ سر ءَ کشمیر ءِ جیڈھ چست کتگ۔ علی امین ءَ گوشت کہ حکومت کوشست آں چہ دگنیا ے انچیں ملک کہ آ کشمیر ءِ جیڈھ ءِ بابت ءَ اچ سئیگ ءُ سرپد نہ بوتگ انت، آ کشمیر ءَ بنی آدم آنی لگت مالی ءِ باروا بھارت ءَ را کُتہ کار گوشگ ءَ انت۔ پدا ھم ایش سرجم ءُ برجم نہ انت چیا کہ بھارت ایشانی گوانک ءَ را یک شل ءَ ڈلگچار کنگ ءَ انت۔ آئی ءَ گوشت کہ یونائیٹڈ نیشنل ءُ میاں اوستمانی برات آناں کشمیری آناں بھارتی لگت مالی ءَ چہ آجوئی دیگ ءَ کرد پیلو کنگ لوٹ ایت۔ آئی ءَ گوشت کہ بھارت ءِ نیمگ ءَ چہ کانود ءِ آرٹیکل 370 ءُ 35 اے ءِ ھلاسی یونائیٹڈ نیشن ءِ منوگری ءُ میاں اوستمانی کانود آنی ھلاپ ورزی انت۔ کشمیر آناں 5 اگست ءَ اے پیسلہ ءَ را نہ من اتگ ایشی ءَ نا ایوک ءَ ھاسیں بستار ھلاس کتگ، کشمیری وتی وت واجئی ءِ بابت ءَ شر سرپد انت ءُ آ اچبر بھارت ءِ دیم ءَ نہ جھک انت۔ آئی ءَ گوشت کہ بھارت ءِ اے گامگیج ہندوتوا ءِ لیکہ ءُ منشور آنی بھر انت، پاکستان اچبر ھم کشمیری آنی آجوئی ءِ کمک ءَ چہ ایمن نہ نند ایت۔ یک جستے ءِ پسو ءَ آئی ءَ گوشت کہ بھارت پڑے ایمنی ءِ واستہ یک بیم ءُ ترس ات ءُ آئی ءِ نیمگ ءَ چہ کجام ھم گامگیج پڑے ایمنی ءَ را برباد کت کنت۔ آئی ءَ گوشت کہ میاں اوستمانی میڈیا ءَ کشمیر ءَ 8 لکھ بھارتی ارد آنی نیمگ ئَ بنی آدمی ھک آںی لگت مالی ءِ رپوٹ جاڑی کنان ءَ بھات ءِ راستیں لکا پیش داشتگ۔ 3 سالی زھگ ءِ 60 سالی پیرک ءِ میت ءِ سر ءَ نندوکیں اکس ءَ بھاتی زوراکی ءَ را سہرا کتگ۔ آئی ءَ گوشت کہ مودی ءِ فاشسٹ حکومت ءُ آر ایس ایس ءَ سرجمیں دگنیا ءِ ٹوھیں جمہوریہ بوھگ ءِ بھارتی تران ءُ سیکولرازم ءِ فلسفہ ءَ را سہرا کتگ۔ یک جستے ءِ پسو ءَ آئی ءَ گوشت کہ بھارتی سلاھ بندیں ارد آں سرجمیں کشمیرر ءَ را جیل ءِ رنگ ءَ مٹ کتگ ءُ الس رسانکی بلیک آئوٹ، لٹ ءُ کٹ، گس آنی سوچگ ، ازت ءُ شرپ ءِ ڈگار جنگ، کوش ءُ کرفیو وڑیں نہ وشیں جاور آنی آماچ انت۔ آئی ءَ گوشت کہ کشمیر پاکستان ءِ مات رگ انت ءُ اچ ھاٹیگ کشمیر ءَ را پاکستان ءَ چہ جتا کت نہ کنت۔
