پنچ اگست ءَ سرجمیں راج بھارت ءِ نہ وشیں گامگیج ءِ ھلاپ ءَ یوم ءِ سیاہ برجم دار ایت، راجہ فاروق حیدر

اسلام آباد ۔ 26 جولائی (اے پی پی) مزن وزیر آزات کشمیرر راجہ فاروق حیدر خان ءَ گوشت کہ 5 اگست ءَ سرجمیں راج بھات ءِ نہ وشیں گامگیج ءِ ھلاپ ءَ یوم سیاہ برجم دار ایت، مقبوضہ کشمیرر ءِ کودکیں الس ایوک نہ انت ما آوانی پشت ءَ آں، 5 اگس ءِ سینیٹ ءِ ھاسیں دیوان مظفر آباد ءَ برجم دارگ بیت۔ یک شمبے ءَ ادا جاڑی بوتگیں بیان ءِ تہ ءَ راجہ فاروق حیدر ءَ گوشت کہ مظفر آباد ءَ سینیٹ ءِ ھاسیں دیوان تحریک آزاتی کشمیرر ءِ رد ءَ یک جوانیں گام ءِ سہرا بیت۔ میاں اوستمانی اھوالکار آناں مقبوضہ کشمیر ءِ تر ءُ تاب ءِ موہ نہ دیگ بھارتی حکومت ءِ ھلاپ ءَ چارج شیٹ ات۔ راجہ فاروق حیدر ءَ گوشت کہ بھارت ءَ ہزارانی کشمیر ورنا آناں ھاسیں بندی جاھ آںی تہ ءَ ایر کتگ۔ مقبوضہ کشمیر یک بنی آدمی جیل ءِ جوڑ بوتگ۔ کشمیری الس آناں وتی مرضی ءِ رد ءَ آیوکیں باندات ءِ پیسلہ ءِ ھک دیگ بہ بیت، راجہ فاروق حیدر ءَ گوشت کہ اقوام ءِ متحدہ ءِ منوگری آںی رد ءَ رائے شماری” جیڈھ ءِ ایوکیں گیواری انت، کشمیر ءِ جیڈھ ءِ گیواری ءَ چہ زرّباری ایشیا ءَ مھکمیں ایمنی برجا بیت، یورپی ملک مقبوضہ کشمیرر ءَ بنی آدمی لگت مالی ءُ زوراکی آنی سر ءَ نوٹس بہ زور انت۔