اسلام آباد ۔ 25 جولائی (اے پی پی) بنجاھی وزیر کشمیر ءُ گلگت بلتستان ءِ کار علی امین خان گنڈا پور ءَ گوں ایڈیشنل سیکرٹری جنررل آزات کشمیر راجہ منصور خان ءَ گوں گند ءُ نند کت، گند ءُ نند ءَ آزات کشمیر ءِ سیاسی جاور ھال آیوکیں گچین کاری ءُ مقبوضہ کشمیر ءِ ترندی ءَ گوں مٹ بوھوکیں جاور ھال آنی سر ءَ ھیال ریچی کنگ بوت۔ اے موہ ءِ سر ءَ علی امین گنڈا پور ءَ گوشت کہ آیوکیں وھد ءَ آزات کشمیر ءُ گلگت بلتستان ءِ الس آنی ھاٹیگ ءَ چہ تحریک انصاف ءِ حکومت ءَ کئیت انت۔ آزات کشمیر ءُ گلگت بلتستان ءَ تحریک انصاف ءِ باسک سرجمیں رنگ ءَ تیار بوتگ انت۔ مزنیں کساس ءَ ایندگر گل آنی باسک تحریک انصاف ءِ تہ ءَ ھوار بوھگ ءَ انت ایشی ءَ چہ مزن وزیر عمران خان ءِ بن گپ ءِ راستی ءُ پکوئی بیت تحریک انصاف ءِ حکومت ءَ آزات کشمیر ءَ بروبری ءِ بنیات ءَ فنڈ جاڑی کتگ چوشکہ گوستیں وھد ءَ اگاں آزات کشمیر ءُ بنجاھ ءَ جتا جتائیں حکومت بوتگ انت گڈاس فنڈز آنی تہ ءَ پینگ جنگ بوتگ۔ ما اے وڑ نہ کتگ۔ آزات کشمیر ءِ الس ووٹ ءِ پرچی ءَ چہ تحریک انصاف ءِ سر ءَ دل یکیمی کناں۔ آزات کشمیر ءِ مردم آنی دلگوشی تحریک انصاف ءِ نیمگ ءَ انت۔ آزات کشمیر ءَ ارزشتی ایں ءُ ٹوھیں پراجیکٹس آنی بنگیج ءَ کناں ایشی ءَ چہ الس ءَ را آسراتی رسیت۔ مقبوضہ کشمیر جاور گوں ترندی ءَ ھراب بوھگ ءَ انت۔ بھارت ءَ را میاں اوستمانی کانود آنی پد ءُ رند کنگ لوٹ ایت بلے بد بھتی ءَ مودی سرکار ءَ میاں اوستمانی کانود آنی مازا پُر داتگ انت ءُ مقبوضہ کشمیر ءِ اندر ءَ کشمیری آنی لگت مالی ءِ گوما یونائیٹڈ نیشن ءِ منوگری آنی مٹوئی ءَ 370 ءُ 35A ءِ ھلاسی ءُ ڈومیسائل جاڑی کنگ ءِ کار لائک ءِ مذمت انت۔ اقوام ءِ متحدہ ءَ را وتی منوگری آنی سر ءَ عمل کنائینگ لوٹ ایت۔ مزن وزیر عمران خان ءِ سروکی ء۔ کشمیر ءِ جیڈھ اولی رند ءَ فلیش پوائنٹ ءِ رد ءَ سہرا بوتگ ءُ استیں حکومت ءَ جوانیں رنگ ءَ کشمیر آنی کیس ءَ را مھکمی ءِ گوما جنگ کتگ۔ لاک ڈائون ءُ کرفیو ءَ را یک سالے سرجم بوھگی انت۔ بلے کشمیری آنی دلبڈی ءُ جوزگگ سرجمیں رنگ ءَ جوان ءُ ورنا انت۔ بھارت کشمیری آنی جہد ءُ کوشست ءَ را نہ ڈگار ءَ جت کنت ءُ نہ جت کت کتگ۔
