تھر پارکر ءِ واد ءِ ڈگار ءُ چات آناں ساپ ءُ فلٹر کنگ ءِ واستہ تھر ءَ فیکٹری جنگ بہ بیت گڈا دمگ ءِ ہزارانی ھاندان وشھالیں زندمان گوازینت کت کناں ءُ اے پشمندگیں ضلع ءِ دیمروئی ءِ واستہ نوکیں کشک بنگیج بوت کناں
مٹھی۔ 26 جولائی (اے پی پی) سندھ ءِ ضلع تھرپارکر پشمندگی، گریبی ءُ ورگ ءِ ساپیں آپ، جان سلامتی ءِ وڑیں بنیاتی آسراتی ءَ چہ زبھر انت، ھُدا وند ءَ اے دمگ ءَ را اشکر ، گرینائٹ ءُ واد ءِ ٹوھیں ٹوھیں مڈی ءَ چہ پر کتگ، پشمندگی ءَ را وشھالی ءِ تہ ءَ مٹ کنگ بیت کنگ ءُ ھندی مردم آنی زندمان ءِ تہ ءَ جوانیں گہتری آرگ بیت کنت۔ تھرپار کر ءَ اشکر ءِ وڑ ءَ واد ءِ ٹوھیں ٹوھیں مڈی است، سد آنی کساسے دراج بُریں واد ءِ ڈگار ھمک روچ ہزارانی ٹن واد ڈن ملک ءُ ملک ءِ اندر ءَ برگ بوھگ ءَ انت۔ ملک ءَ را در ملکی زرامبار پجاری کنوکیں واد ءِ کاروبار ءَ را صنعت ءِ درجگ نہ رسگ ءِ پد ءَ الس ءِ واستہ جوانیں سیت مند سہرا نہ بوتگ، جوانیں روگ ءُ آیگی آسراتی نہ بوھگ ئِ سبب ءَ مزور وتی گواچنی ھک ءَ چہ زانت کار نہ انت ءُ کمو زرَ رسگ ءِ پد ءَ مزوری کنگ ءَ مجبور انت۔ اے پی پی ءِ پٹ ءُ پولی رپوٹ ءِ رد ءَ تھر پار کر ءِ اشکر آنی چات آنی تہ ءَ کار کنوکیں مزور آنی گوشگ انت کہ تھر پار کر ءَ یک سد ءَ چہ گیش واد ءِ چات است انت۔ ایشانی تہ ءَ سارن ، سدہوئی، ڈاگو، گبھن، ھتھنی‘ ٹوبھو‘ ھتہرائی‘ گجیواری‘ گڑھو‘ سینگالو‘ جخنور‘ ٹیپاریو‘ موخائی‘ دونھائی‘ کونرل ءُ دومی نیمگ ءَ واد ءِ چات است انت ءُ ھمک روچ ہزارانی ٹن فواد پاکستان ءَ ھوار ڈن ملک ءَ روان دیگ بیت، واد ءِ اے چار آنی کساس ہزارانی کساس ءَ انت تھر ءَ ھوار ملک ءِ جتا جتائیں بھر آں چہ سیادی داروکیں مزور کار کنگ ئَ انت، بلدکار آنی رد ءَ تھر پار کر ءَ استیں واد ءِ مڈی جوانیں انت ایش دگنیا ءِ جتا جتائیں ملک آناں برآمد کنگ بوھگ ءَ انت۔ اے واد باز بے مٹ بوھگ ءِ سبب ءَ سرجمیں دگنیا ءَ سک باز مشہور انت، کلانہ آنی رد ءَ تھر پار کر ءَ ھور بوھگ ءَ چہ پد اے واد ءِ چات ءُ ڈگار آنی سر ءَ آپ اوشت ایت ءُ کمو وھد ءَ چہ پد آ ھدا وندی واد ءِ تہ ءَ مٹ بنت، واد ءِ چات ءُ ڈگار آںاں لیز حکومت ءِ سندھ ءِ محکمہ مائنز ءُ منرل جاڑی کنت، لیز زوروک ھمک سال زمین ءِ رد ءَ گیشینتگیں رائلٹی ءَ را محکمہ مائنز ءُ منرل ءِ کرا جم کن انت۔ براعظم ءِ نامداریں واد ءِ ڈگار ءُ چات سارن کاسن ھم تھر ءَ انت۔ اے چات تحصیل ڈیپلو ءَ چہ روبرکت ءِ نیمگ ئَ 20 کلومیٹر ءِ گستائی ءِ سر ءَ سارن کوچگ ءَ انت۔ آھوادا بازیں سال ءَ چہ واد در کپگ ءَ انت۔ تھر ءَ درستاں چہ پیسر سارن ءِ سن ءَ چہ درکپتگ ءُ آ تھر ءِ کوھنیں چات آنی تہ ءَ یک ات، ایش 100 ایکڑ ایگ انت۔ سرجمیں ملک ءَ ھمے واد ءِ لوٹ درستاں چہ گیشتر انت۔ تھر پارکر ءَ موکھائی ءِ نام ءَ ءَ چہ واد ءِ چات 250 ایکڑ، ڈاگو 150 ایکڑ، ڈاگو ٹو 180 ایکڑ‘ ھتھنی 100 ایکڑ‘ ڈابھرو 150 ایکڑ پراھ ءُ دراج انت۔ زانتکار آںی گوشگ انت کہ تھر پار کر ءِ واد ملک ءِ کد ءُ چمڑا ءِ فیکٹری آں ھوار دگنیا ءِ سردیں ملک آناں مزنیں کساس ءَ برآمد کنگ بوھگ ءَ انت، تھر ءِ ود کد جوڑ کنگ ئَ ھم کارمرد کنگ بوھگ ءَ انت۔ پاکستسان ءَ استیں کد ءِ مشہوریں اینگرو کمپنی ھم واد تھر ءَ چہ بھا زور ایت، ایشی ءَ ابید سرجمیں ملک ءَ کد جوڑ کنوکیں کمپنی آناں ھم واد تھر پجارین ایت۔ وھدیکہ وردن ءُ وراک ءِ واستہ ھم واد جتا جتائیں شہر آنی تہ ءَ مزنیں کساس ءَ دکان آناں ھم بھا کنگ بیت۔
کشت ءُ کشاری یونیورسٹی سندھ ٹنڈدو جام ءِ کشت ءُ کشاری وانگ ءُ زانگ ءُ توسیع ڈیپارٹمنٹ ءِ چیئرمین پروفیسر ڈاکٹر محمد اسماعیل کنبھر ءَ اے پی پی ءَ گوں تران کنان ءَ گوشت کہ لیموں کشگ ءِ واستہ سوڈیم ءِ کمی ءَ را سرجم کنگ ءِ واستہ کد ءِ گوما واد ءَ را ھوار کنگ بیت۔ آئی ءَ گوشت کہ کشت ءُ کشاری یونیروسٹی تھر پارکر ءِ کیمپس ءُ تھر فاوئنڈیشن والا آناں ھم اے ھوالگ ءَ پٹ ءُ پول کنگ لوٹ ایت۔ ڈاکٹر کنبھر ءَ گوشت کہ واد نا ایوک ءَ وردن ءُ وراک بلکینگ ءَ دوا آنی تہ ءَ کارمرد کنگ بیت۔ آئی ءَ گوشت کہ تھر پارکر ءَ واد ءِ ٹوھ ٹوھیں مڈی ءُ چات است انت ایشاناں گہتریں رنگ ءَ کارمرد کنگ ءِ واستہ حکومت ءَ را کوشست کنگ لوٹ ایت۔
مزنیں کساس ءَ مزور آنی نادراھ بوھگ ءِ سبب ءَ لستیں وھد ءَ چہ انوگ ءَ ٹریکٹر آنی وسیلگ ءَ ھم واد یکجاھ کنگ بیت، ایشی ءَ ابید واد چست کنگ ءِ واستہ کرین مشین ءُ ٹریکٹر ٹرالی ءِ ھم کارمرد کنگ بیت، ایشی ءَ چہ واد آناں یک جاھے ءَ مزنیں کسا ءَ یکجاھ کنگ ءُ ساپ کنگ بیت، ساپ کنگ ءَ پد واد آناں گونی آنی تہ ءَ مان کنگ ءُ ٹرالی آنی وسیلگ ءَ روان دیگ بیت۔
مزور ءُ ھندی مردم آنی گوشتگ کہ تھر پار کر ءَ واد ءِ فیکٹری جنگ ءَ چہ تھر ءِ بے روزگاریں مردم آناں روز رسیت ، تھر ءِ واد ءِ چار ءُ ڈگار ءَ چہ در کپتگیں واد آناں ساپ کنگ ئِ گوما فلٹر کنگ ءُ پیکنگ کنگ ءِ فیکٹری ھم تھر ءَ جنگ ءَ چہ تھر ءِ ہزارانی بے روزگاریں مردم آناں روزگار رسیت۔ اے وھد ءَ تھر ءَ کراچی ءِ یک کمپنی یے دو ءَ چہ بگر سئے کسانیں پلانٹ جتگ آھودا واد کشگ ءُ ساپ کنگ ءُ ڈلگ ءِ کار بوھگ ءَ انت، اے پلانٹس آنی سدآنی مزور کار کنگ ءَ انت، ایش 15 ہزار ءَ چہ 20 ہزار ھمک ماھ پگار گر انت۔ ھندی آباتی ءِ گوشگ انت کہ واد ءِ کاروبار ءَ را صنعت ءِ درجگ دیگ بہ بیت ءُ اے واد ءِ ڈگار ءُ چات آناں ساپ ءُ فلٹر کنگ ءِ واستہ تھر ءَ فیکٹری جنگ بہ بیت گڈا دمگ ءِ ہزارانی ھاندان وشھالیں زندمان گوازینت کت کناں ءُ اے پشمندگیں ضلع ءِ دیمروئی ءِ واستہ نوکیں کشک بنگیج بوت کناں۔
