اسلام آباد ۔ 25 جولائی (اے پی پی) نیشنل کمانڈ اینڈ آ پریشن سینٹر ءِ دیوان بنجاھی وزیر برائے منصوبگ بندی ءُ دیمروئی ءُ گہتری گامگیج اسد عمر ءِ سروکی ءَ دیوان ءِ برجم دارگ بوت ۔ فورم ءَ را مزنیں ائید ءِ درگت ءَ پس آنی پڑی آنی تہ ءَ رکھینگی رھبند آنی وتی کنگ ءِ ھوالگ ءَ گامگیج ءُ ھاسیں رنگ ءَ ھلاپ ورزی کنگ ءِ بابت ءَ بریفنگ دیگ بوت۔ جتا جتائیں صوبگ آنی تہ ءَ رکھینگی رھبند آنی وتی نہ کنگ گندگ بوتگ۔ فورم ءَ را گوشگ بوت کہ سرجمیں پاکستان ءَ گیر کانودی مویشی منڈی آناں بند کنگ بوتگ، جرمانہ جنگ بوتگ ءُ کانودی کاروائی ھم کنگ بوتگ۔ فورم ءَ شاپنگ پلازہ، سبزی منڈی ءُ مویشی منڈی آناں ڈیجیٹل ٹیکنالوجی ءِ کارمردی ءِ وسیلگگ ءَ را ھلاپ کنگ ءِ ھوالگ ءَ بریفنگ دیگ بوت۔ اسد عمر ءَ گوشت کہ مزن وزیر ءِ پنت ءُ شون ءِ رد ءَ مارا اے ائید ءَ را سادگی ءِ گوما گوازینگی انت۔ ائید ءَ سیل ءُ سوادی جاھ آںی نیمگ ءَ مہ رویت۔ ءُ مچی ءَ چہ وتارا بچارین ات۔ آئی ءَ گوشت کہ نماز ءَ چاگردی گستائی ءُ داتگیں پنت ءُ شون آنی پد ءُ رند کنگ ءَ چہ ایشرا گر ءُ دار کنگ بوت کنت۔ اسد عمر ءَ گوشت کہ مویشی منڈی آنی رکھینگی رھبند آناں ھمک رنگ ءَ دل یکیمی جوڑ کنگ بیت۔ دیوان ءَ این سی او سی ئِ کوآرڈینیٹر لیفٹیننٹ جنرل حمودا لزمان خان، ویڈیو لنک ءِ وسیلگ ءَ مزن وزیر ءِ مشیر برائے جان سلامتی ڈاکٹر ظفر مرزا، بنجاھی وزیر فوڈ سیکورٹی اینڈ ریسرچ سید فخر امام، مزن وزیر ءِ مشیر برائے راجی سلامتی ڈاکٹر معید یوسف ءُ مزن وزیر ءِ ھاسیں کمکار برائے اھوالکاری ءُ شنگ کاری عاصم سلیم باجوہ ھم بھر زوری کت۔
