اسلام آباد ۔ 25 جولائی (اے پی پی) یو این ایچ سی آر پاکستان سرجمین ملک ءَ کوویڈ-19 ءِ لاک ڈائون ءِ آماچیں بوھوکیں بزگریں اوگان لڈ ءُ بار کنوکیں ھاندان آناں احساس ایمرجنسی کیشن پروگرام ءِ وڑ ءَ مالی کمک ءِ پروگرام پاکستان پوسٹ ءِ کمک ءَ چہ جاڑی داشتگ اے رد ءَ چاریں صوبگ ءُ اسلام آباد ءَ رجسٹرڈ اوگان لڈ ءُ بار کنوک آنی 10 ہزار ءَ چہ گیش بزگریں ھاندان آناں کمک پجاری کنگ بوتگ۔ یک شمبے ءِ روچ ءَ یو این ایچ سی آر ءِ ترجمان قیصر خان ءَ اے پی پی ءَ را گوشت کہ حکومت ءِ پاکستان وزارت ءِ سیفران توکی کار ءُ درئی کار ءِ وزارت ءِ کمک ءَ چہ پاکستان ءَ نندوکیں رجسٹرڈ اوگان لڈ ءُ بار کنوکیں مردم ھما کہ کوویڈ-19 ءِ لاک ڈائون ءِ سبب ءَ ھرابیں رنگ ءَ آماچ بوتگ انت تانکہ آ وتی ضلورتی چیز وردن ءُ وراک آں بھا زرت بکن انت۔ آئی ءَ گوشت کہ اے پروگرام انچین ات ھمے رنگ ءَ حکومت ءِ پاکستان ئِ نیمگ ءَ احساس ایمرجنی پروگرام ءِ چیر دستی ءَ بزگریں مردم آناں 12 ہزار کلدار دیگ بوھگ ءَ انت۔ آئی ءَ گوشت کہ بلوچستان ءِ شہر کوئٹہ، صوبہ خیبر پختونخوا، اسلام آباد ءَ ھم اوگان مہاجر آنی بزگریں مردم آناں پاکستان پوسٹ ءِ کمک ءَ چہ 12 ہزار کلدار 36 ہزار اوگان لڈ ءُ بار کنوکیں ھاندان آناں اولی بھر ءَ کمک بھر ءُ بانگ کنگ بوھگ ءَ انت۔ آئی ءَ گوشت کہ اوگان مہاجر آنی رجسٹرڈ 10 ہزار ءَ چہ ھاندان آناں 12 ہزار یک ھاندان بھر ءُ بانگ کنگ بوتگ۔
