اسلام آباد ۔ 25 جولائی (اے پی پی) مزن وزیر ءِ ھاسیں کمکار برائے اھوالکاری ءُ شنگ کاری چئیرمین سی پیک اتھارٹی لیفٹیننٹ جنرل (ر) عاصم سلیم باجوہ ءَ چاگردی تنج ءِ سر ءَ وتی کلوہ ءِ تہ ءَ گوشت کہ گوادر ءَ ھوار زرّباری بلوچستان ءِ منصوبگ آنی سر ءَ کار ءِ گام آنی گیش ترند کنگ ءَ پیسلہ سیت مند بیت۔ مزن وزیر ئِ سروکی ءَ راجی دیمروئی کونسل ءِ دیوان آنی تہ ءَ پنت ءُ شون دیگ بوتگ۔ دیمروئی منصوبگ آں چہ دمگ ءِ چاگردی ءُ اقتصادی دیمروئی کئیت انت۔
