ما دژمن ءِ فوجی ساز ءُ سامان ءِ بھا زوری ءَ چہ لا علم نہ آں، ائیر چیف مارشل مجاہد انور خان

اسلام آباد ۔ 25 جولائی (اے پی پی)پاک فضائیہ ءِ سروک ائیر چیف مارشل مجاہد انور خان ءَ گوشت کہ ما دژمن ءِ نیمگ ئَ چہ اُردی ساز ءُ سامان آںی بھا زوری ءَ چہ لاعلم نہ آں، دژمن ءِ کجام ھم گامگیج ءِ رد ءِ پاک فضائیہ زرّئی ءُ سرڈگاری ارد ءِ ھمبراھی ءَ جوانی ءَ گوں پسو دیگ ءِ واستہ ما ھمک ساھت ءُ کترہ تیار آں۔ ترجمان پاک فضائیہ ءِ رد ءَ پاک فضائیہ ءِ سروک ائیر چیف مارشل مجاہد انور خان ءَ پی اے ایف بیس قادری ءِ سر ءَ جاڑی آپریشنل ایکسرسائز آنی چار ءُ تپاسی گپت ءُ کارندہ آناں آپریشنل تیاری ءُ کزبی ازمکاری آنی سر ءَ دل یکیمی ءِ درشان کت۔ ائیر چیف مارشل مجاہد انور خان ءَ گوشت کہ پاک فضائیہ پڑ ءِ جیواسٹریٹجک جاور ھال آنی بابت ءَ شر سرپد انت ءُ روایتی جنگ ءِ طاقت ءِ یک شل ءَ دارگ ءِ واستہ ھمک رنگیں گامگیج کنگ ءَ انت۔ ائیر چیف ءِ کمشیر ءِ جیڈھ ءَ را یونائیٹڈ نیشن ءِ منوگری آنی رد ءَ زوت گیواری کنگ ءِ بابت ءَ زور پر دات۔