اسلام آباد ۔ 24 جولائی (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ دگنیا ءِ دیم ءَ درستاں چہ مستریں جمہوریت ءِ دعویٰ کنوکیں مودی سرکار بگش ایت کہ کودکیں کشمیری آنی سر ءَ ظلم ، زوراکی ءُ آوار جنگ ، زلبول آنی گومان بد فعلی کنگ ءُ بزرگیں مردم آناں پیلٹ گن آنی وسیلگ ءَ کور کنگ چتوریں جمہوریت ات، مزن وزیر عمران خان ءِ سروکی ءَ ما مسلہ کشمیر ءِ توامیں میاں اوستمانی فورمز آنی سر ءَ سہرا کنگ ءِ واستہ توامیں کوشست کنگ ءَ انت۔ پاکستان وت واجئی ءِ در جنگ ءَ تاں کشمیری آنی سیاسی ، سفارتی ، اخلاقی کمک ءَ را جاڑی دار ایت۔ آ آدینگ ءِ روچ ءَ وزارت ءِ اھوالکاری ءُ شنگ کارری ءِ بندوبست کتگیں کشمیر آوار جنگ ءِ بن گپ ءِ سر ءَ برجم داشتگیں سیمینار ءَ گوں گشتانک دیگ ءَ ات۔ سیمیار ءَ بنجاھی سیکرٹری اھوالکاری ءُ شنگ کاری اکبر حسین درانی ءَ وش اتکی گشتانک داست وھدیکہ آزات جموں کشمیر ءِ سردار مسعود خان ، سینیٹر ولید خالد، قائداعظم یونیورسٹی ءِ شوبگ ءِ سکول آف پپوللیٹیکلل اینڈ انٹرنیشنل ریلیشن ءِ ڈاکٹر راجہ قیصر احمد، پروفیسر منور حسین ، الجزیہ ءِ احمد برکت ، فرزانہ یعقوب ءَ ھوار ایندگر گشتانکار آں ھم گشتانک دات۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ کشمیری مسلمان گوستگیں ھپتاد سال آں چہ بزگ ءُ کودکی ءِ آماچ انت۔ استیں ہندوستانی حکومت ءَ 5 اگست 2019 ءَ بھارتی مقبوضہ جموں کشمیر ءَ یک دگہ زوراکی ءِِ کنان ءَ بنی آنی توامیں سیم سر پار کتاں ۔ 2019 ءَ گوستگیں ھپتاد سال ءَ بھارت ءَ گیر کانودی رنگ ءَ مقبوضہ کشمیر ءَ را آوار جتگ۔ بھارت ءِ ظلم ءُ زوراکی یک نیمگ ءِ مودی حکومت ءِ کشمیر ءَ نسل کشی ءِ کاروائی یک نیمگ ات۔ آئی َ ءَ گوشت کہ راستی ایش انت کہ پیسریگیں بھارتی حکومت آں مقبوضہ کشمیر ءَ را اٹوٹ انگ نامینتگ بلے مقبوضہ ریاست ءِ کانود ءِ بستار ءَ برجا داشتگ۔ آئی ءَ گوشت کہ مودی سرکار ءَ مقبوضہ کشمیر ءِ ھاسیں بستار دیوک بھارتی کانود ءِ آرٹیکل 370 ءُ 35 رد کنان ءَ توامیں پیسریگیں دیلی حکقومت آناں پیشت ءَ یل کتگ۔ آئی ءَ گوشت کہ بھارت ءَ گوستیں بازیں سال ءَ چہ مقبوضہ کشمیر ءِ وت واجی ھک ءَ را لگت مال کتگ بلے ایشرا کامیاتی بھ نہ رس ایت۔ آئی ءَ گوشت کہ بھارتی حکومت ءُ اُرددد ءِ بے شرمی ءِ اندازگ اے گپ ءِ سر ءَ جنگ بوت کہ پاکستان ءَ وشی آنی جوزگ ءِ رد ءَ ھما پائلٹ ءَ را بھارت ءِ ھولگ ءَ کتگ بوتگ بھارت ایشرا ھم ہیرو ءِ جوڑ کنگ ءُ پیش کنگ ءَ انت۔ آئی ءَ گوشت کہ بھارتی حکومت ءُ ارد ءِ اے ظلم ءُ زوراکی ءَ چہ پد کشمیر ءِ زھگ زھگ بھارت ءُ ایشی یے اُرد ءَ گوں سک باز کسد ءُ کینگ دار ایت بلے اے اپسوزی گپ ات کہ میاں اوستمانی برات بھارتی ظلم ءُ زوراکی ءِ سر ءَ وتی چم ایش بند کتگ انت۔
