تین پہ تینی است خواہی نا باندات، دفاعی کمکاری تون اوار ایلو باندات آتیا گپ وتران کننگا
اسلام آباد۔ 24جولائی (اے پی پی) وزیر دفاع پرویز خٹک تون اٹلی نا سفیر آندریاس فیریس اوڑدہی کرے ہراٹی تین پہ تینی است خواہی نا باندات، دفاعی کمکاری تون اوار ایلو باندات آتیا گپ وتران کننگا۔ وزیر دفاع پرویز خٹک پارے کہ پاکستان جمہوریہ اٹلی تون تینا تعلقداری تے بھاز اہمیت ایتک و چندی بشخ آتیٹی دفاعی کمکاری ءِ پین ودفنگ خواہک۔ وزیر دفاع داہم پارے کہ تبادلہ شدہ فوجی تربیت تین پہ تینی فائدہ مند پک مننگ کیک انتئے کہ نیٹو نا بشخ مننگ نا سوب آن اطالوی سلہہ بند فوج اتون نہادی فوجی ایکسپوزر ساڑی ءِ وخت اس کہ پاکستان نا سلہہ بند فوج ہرادہشت گردی نا برخلاف جنگ کننگ ءِ، ءِ دہشت گردی نا برخلاف کارروائی تا زبردست آزموندہ ءِ۔ بنجائی وزیر پاک فضائیہ ءِ فوجی گڑاتا فراوانی ٹی آسراتی فراوان کننگ آ ممنونیت نا درشانی ءِ کرے۔ اواسیجا دفاعی پیداوار نا پڑاٹ تین پہ تینی کمکاری نا بشخ آتیٹی تسخیر آہم زور شاغا۔ وزیر دفاع پارے کہ پاکستان و اٹلی نا نیام اٹ دفاعی کمک 60 انا دہائی تیٹی قائم مسوسس۔ تدوک آ منہ سال اٹی داٹی مستقل ودکی مسنے۔ دفاعی کمکاری نا گیشتر ڈومین آ بڑزکو کہول انا دورہ، فوجی تربیت و دفاعی گڑاتا ہلنگ نا کمک اٹ حکمرانی کننگک۔ اوڑدہی ٹی پاک اوغان بارڈر تون سیکورٹی نا تازہ حالیت و ڈیہہ ٹی امن و سوگوی کن پاکستان نا عزم آ گپ وتران مس۔ وزیر دفاع اوغانستان اٹی اٹلی نا کڑد، شریداری و قربانی تا ستاءِ کرے۔
