مچ آ ملک اٹی کورونا نا 44 ہزار 854 فعال کیس، 2 لکھ 19 ہزار 787 بندغ کوروناوائرس ءِ شکست ترسا پورو دراخ جوڑ، نیشنل کمانڈ اینڈ آپریشن سینٹر

اسلام آباد۔ 24 جولائی (اے پی پی) نیشنل کمانڈ اینڈ آپریشن سینٹر (این سی او سی) پارینے کہ 2 لکھ 19 ہزار 787 کوروناوائرس ءِ شکست ترسا پورو دراخ جوڑ مسنو۔ داوخت آ مچ آ ملک اٹی کورونا نا 44 ہزار 854 فعال کیس ءُ۔ آزاد کشمیر و بلوچستان اٹی اسہ ناجوڑ اس ہم وینٹی لیٹر آ اف، این سی او سی نا رداٹ تدوک آ 24 گھنٹہ ٹی 22 ہزار 84 ٹیسٹ کننگا ہرافتے ٹی 1209 پوسکن ءُ مثبت کیس رپورٹ مسنے، پین 54 کورونا ناجوڑ زوال کرینو اوکان پد مچ آ ملک اٹی کورونا غان زوال کروک آ بندغ آتا کچ 5ہزار 763 مس۔ تدوک آ 24 گھنٹہ ٹی مروک آ ٹیسٹ آتیٹی سندھ انا 9804، پنجاب نا 7386، کے پی کے نا 1977، اسلام آباد نا 2351، بلوچستان نا 76، گلگت بلتستان نا 71 و آزاد کشمیر نا 241 ٹیسٹ اوار ءُ۔ ملک انا چندی بشخ آتیٹی 1825وینٹی لیٹر کوروناناجوڑ آتیکن جتا کننگانے، 242 ناجوڑ وینٹی لیٹر آٹی ءُ۔ داتم اسکان مچ آ ملک اٹی کورونا نا جم زہمی تا کچ 2 لکھ 70 ہزار 400ءِ۔ ملک انا 733 ہسپتال آتیٹی 2241 کوروناناجوڑ درمان مننگ ءُ۔