اسلام آباد۔ 24 جولائی (اے پی پی) نیشنل کمانڈ اینڈ آپریشن سینٹر غیر کانودی پڑی تا برخلاف کریک ڈاؤن نا فیصلہ ءِ کرینے۔ این سی او سی نا رداٹ بھلاعئید انا مناسبت اٹ غیر کانودی پڑی تا جوڑ کننگ یا چلیفنگ نا اسُل موکل تفننگک، منظور مروک پِڑی تیٹی ضابطہ اخلاق نا عملداری کن غٹ انتظامیہ متحرک مریک۔ مچ آ ملک اٹی جوڑ پِڑی تیٹی ہیلتھ گائیڈ لائن تا خلاف ورزی نا رپورٹ آک ملنگ ءُ۔ این سی او سی نارداٹ الس نا جان جوڑی و رکھ اولیت ءِ۔ جان جوڑی نا رکھ انا اصول و کورونانا برخلاف جوڑ کروک آ رکھی گام گیج آتے تینا کننگ آن دَین انا مون ءِ توننگ مریک، ہیلتھ گائیڈ لائن تیا عملدرآمد کن بنجا، صوبہ، آزاد کشمیر و گلگت بلتستان اٹی انتظامیہ نا بھلو کچ اسے آ کریک ڈاؤن مریک، غٹ صوبہ آزاد جموں و کشمیر و گلگت بلتستان و اسلام آباد اٹی خصوصی مانیٹرنگ ٹیم ای او پی تیا عملدرآمد ءِ پک کیک۔ این سی او سی نا رداٹ خلاف ورزی نا حالیت اٹ جرمانہ و پِڑی تے بند کننگ مریک۔ فیس ماسک و راجی فاصلہ غاتے برقرار تخنگ بھاز المی ءِ۔ اگہ دارکھی گام گیج آتیا عملدرآمد کننگتو تو دَین انا مون ءِ توننگ مشکل مریک۔ پِڑی تیٹی وخت انا پابندی اسہ خاص ءُ کچ اسے نا پترینگ انگ و ہیلتھ گائیڈ لائن تیا عملدرآمد کرفنگک۔ این سی او سی نا رداٹ عئید آ مچی تیان پاناد کیر۔ عئید آ غٹ سیل و سواتی ہند آک پورو بند مریرہ۔ الس آن خواست ءِ کہ او بازار و عئید آ سیل و سواتی ہند آتیا ہِننگ آن پاناد کیر۔
