اسلام آباد ۔ 23 جولائی (اے پی پی) مزن وزیر ءِ ھاسیں کمکار برائے زرّ ءَ آدیم نندوکیں پاکستانی سیدّ ذولفقار بخاری ءَ متحدہ عرب امارات ءِ وزیر نصیر بن الثانی ءَ گوں گند ءُ نند کت۔ یو اے ای وزیر ءَ زلفی بخاری ءَ را وش اتک کت۔ گند ءُ نند ءِ ساھت ءَ یو اے ای ءِ نندوکیں پاکستانی آنی جیڈھ آنی بابت ءَ شور ءُ سلاھ ءُ بے روزگاریں پاکستانی مزور آنی مزدگری ءِ دووارگ شرو کنگ ءِ بابت ءَ سرجمیں رنگ ءَ گپ ءُ تران کنگ بوت۔ گند ءُ ند ءَ پاکستانی لیبر آنی جوان ءُ وشی ءِ گوما وطن ءَ واتر بوھگ ءِ پد ءَ ھیال ریچی کنگ بوت۔ گند ءُ نند ءِ ساھت ءَ زلفی بخاری ءَ پاکستانی ءَ گوں وھد ءُ موہ ءِ سرءَ کمک کنگ ءِ پد ءَ یو اے ای وزیر ءِ گوما شات ءُ وشی ءِ درشان کت ءُ گوشت کہ سکیں ساھت ءَ پاکستان ءِ گوما ھمبراھ داری کنگ ءِ پد ءَ یو اے ای ءِ شگر ءُ منت ءَ کناں۔ نصیر بن ثانی ءَ گوشت کہ پاکستان براتیں ملک ات۔ یکوئی آناں گیش مھکم جوڑ کنگ بیت، پاکستانی لیبر آنی رکھینگ ءُ روزگار ءَ را دل یکیمی جوڑ کنگ بیت۔
