اسلام آباد ۔ 23 جولائی (اے پی پی) اسپیکر راجی اسمبلی اسد قیصر ءَ مزن وزیر ءِ مشیر برائےتوکی کار بیرسٹر شہزاد اکبر ءَ پنچ شمبے روچ ءَ پارلیمنٹ گس ءَ گند ءُ نند کت۔ گند ءُ نند ءَ ملک ءَ ایمنی ءُ برجائی ءِ جاور ھال آں ھوار وت مہ وتی واھگی کار آنی سر ءَ ھیال ریچی کنگ بوت۔ اے موہ ءِ سر ءَ تران کنان ءَ اسپیکر ءَ شہزاد اکبر ءَ را مزن وزیر ءِ مشیر برائے توکی کار ءِ سیٹ ءِ نندگ ءِ پد ءَ مبارک بات دیان ءَ گوشت کہ اے بستار ءَ کار کنگ ءِ موہ دیگ مزن وزیر ءِ تئی ازم ءِ سر ءَ دل یکیمی ءِ درشان انت۔ ملک ءِ اند ر ءَ ایمنی ءِ جیڈھ آنی سر ءَ ھیال ریچی کنان ءَ دوئیں سروک آں ملک ءِ معاشی ءُ ایمنی ءِ ھواریں جاور ھال ءِ سر ءَ دل یکیمی ءِ درشان کت۔
