اسلام آباد ۔ 23 جولائی (اے پی پی) مزن وزیر عمران خان ءَ پنت ءُ شون کت کہ دور ءُ گستائیں ددمگ آں گوں سیادی داروکیں مردم ھاسیں رنگ ءَ بلوچستان، ھوار کتگیں نوکیں دمگ ءُ سندھ ءِ دور ءُ گستائیں دمگ آنی تہءَ انٹرنیٹ ءِ آسراتی پجاری ءُ گہتریں کوریج ءَ را دل یکیمی جوڑ کنگ ءِ سر ءَ ھاسیں دلگوشی دیگ بہ بیت۔ سندھ ءِ گستائیں دمگ آںی تہ ءَ انٹرنیٹ ءِ آسراتی پجاری ءُ گہتریں کوریج ءَ را دل یکیمی جوڑ کنگ ءِ سر ءَ ھاسیں دلگوشی دیگ بہ بیت۔ آئی ءَ ٹیلی کام سیکٹر ءَ حکومت ءِ نیمگ ءَ گیش آسراتی دیگ ءِ ھوالگ ءَ مشیر ءِ ھزانگ ، وزیر برائے صنعت ءُ پیداوار ، وزیر ءِ منصوبگ بندی، وزیر برائے انفارمیشن ٹیکنالوجی ءُ وزیر ءِ وانگ ءُ زانگ ءِ ھواریں کمیٹی جوڑ کنگ ءِ پنت ءُ شون ھم کت۔ پنچ شمبے ءِ روچ ءَ مزن وزیر عمران خان ءِ سروکی ءَ ملک ءَ انٹرنیٹ ءِ کوریج ءَ را گیش ودینگ ءُ گہتر جوڑ کنگ ءِ ھوالگ ءَ دیوان ءِ برجم دارگ بوت۔ دیوان ءَ بنجاھی وزیر برائے آئی ٹی سید امین الحق، بنجاھی وزیر برائے وانگ ءُ زانگ شفقت محمود، سیکرٹری آئی ٹی، چیئرمین پی ٹی اے ، سی ای او یونیورسل سروس فنڈ ( یو اییس ایف) ءُ ایندگر اپسرگ ھوار اتنت۔ دیوان ءِ ساھت ءَ بلوچستان ءَ لسبیلہ، آواران ، کیچ ، گوادر، قلات، مستونگ، جعفرآباد، نصیر آباد، لہری، کچی، سبی، پشین، قلعہ سیف اللہ، لورالائی، موسیٰ خیل ءُ بارکھان ءِ دمگ ءَ ھوار صوبہ سندھ ءَ گھوٹکی ، قمبر، شہدادکوٹ، نوشہرو فیروز، شکارپور وغیرہ، صوبہ خیبرپختونخوا ءَ انٹرنیٹ سروس ءِ پجاری ءُ گہتری ءِ واستہ جتا جتائیں منصوبگ آنی سر ءَ دیمروئی گامگیج آنی بابت ءَ سرپد کت۔
