ایم ایل ون ڈٹ آن اسہ لکھ پاکستانی تے روزگار نا وارخواہی دوبریک، بنجائی وزیر ریلوائی شیخ رشید

اسلام آباد۔ 23 جولائی (اے پی پی) 7.2 ارب ڈالر نا خڑچ نا ایم ایل ون ڈٹ آن اسہ لکھ پاکستانی تے روزگار نا وارخواہی دُوبریک۔ داخیال آتا درشانی ءِ دوستی ایف ایم ریڈیو ءِ انٹرویو ترسا وزیر ریلوے شیخ رشید پارے کہ ایم ایل ون ڈٹ اکن 90 درسد پاکستانی وخت اس کہ بیرہ دہ درسد چینی داڈٹ آ کاریم کیرہ۔ اونا پاننگ ئس کہ ڈٹ انا رداٹ 1778کلومیٹر ڈبل ریلوائی ٹریک اس تالان کننگک۔ شیخ رشید احمد پارے کہ چین حقی وڑتیٹی ریلوائی ٹی شون ہلکونے، چین نا ریلوائی نا نظام دنیا نا گچین انگا نظام ءِ و چین نا ریلوائی نا نظام مچ آ ملک اسکان تالان ءِ۔ اونا پاننگ ئس کہ پاکستان ءِ چین آن دا بشخ اٹی پبی فائدہ ہرفنگ نا گرج ءِ۔ وزیر ریلوائی نا پاننگ ئس کہ ایم ایل ون نا ڈٹ انا پوروی آن پد ریل گاڈی تا شکست آتیٹی نمان وڑاٹ کمتی بریک انتئے کہ دا ڈٹ انا پوروی آن پد گیشتر ریلوائی پھاٹک آک چٹرہ۔