احساس ایمرجنسی کیش پروگرام نا رداٹ مچ آ ملک اٹی اسہ کروڑ 31 لکھ 37 ہزار آن زیات حقدار بندغ آتیٹی 158 ارب 93 کروڑ روپئی آن زیات زر بشخنگانے

اسلام آباد۔ 23 جولائی (اے پی پی) احساس ایمرجنسی کیش پروگرام نا رداٹ صوبائی و علاقائی لحاظ اٹ داتم اسکان مچ آ ملک اٹی اسہ کروڑ 31 لکھ 37 ہزار آن زیات حقدار بندغ آتیٹی 158 ارب 93 کروڑ روپئی آن زیات زر بشخنگانے۔ احساس ایمرجنسی کیش پروگرام نا کنڈآن جاری کروک سرجم حوال آتارداٹ صوبہ سندھ اٹی 39 لکھ 97 ہزار آن زیات بندغ آتیٹی 48 ارب 20 کروڑ روپئی و صوبہ پنجاب اٹی 58 لکھ 85 ہزار آن زیات بندغ آتیٹی 71 ارب 21 کروڑ روپئی بشخنگا۔ خیبرپختونخوا ٹی 22 لکھ 25 ہزار آن زیات بندغ آتیٹی 27 ارب 1 کروڑ روپئی وخت اس کہ بلوچستان اٹی 6 لکھ 51 ہزار آن زیات بندغ آتیٹی 7 ارب 91 کروڑ روپئی بشخنگانے۔ رپورٹ نا رداٹ گلگت بلتستان اٹی 94 ہزار آن زیات بندغ آتیٹی اسہ ارب 16 کروڑ روپئی آن زیات زر و آزاد کشمیر اٹی 2 لکھ 14 ہزار آن زیات بندغ آتیٹی 2 ارب 61 کروڑ روپئی بشخنگانے۔ بنجائی دارالحکومت اسلام آباد اٹی 67 ہزار آن زیات بندغ آتیٹی 81 کروڑ روپئی آن زیات زر بشخنگا۔