بلوچستان حکومت نا کنڈآن لسبیلہ ٹی فشریز ڈائریکٹوریٹ نا جوڑ کننگ نا کاریم نا بناء

اسلام آباد۔ 23 جولائی (اے پی پی) بلوچستان حکومت ماہی گیری نا بشخ ءِ مون آ دننگ کن 100 ملین روپئی نا خڑچ آن لسبیلہ ٹی فشریز ڈائریکٹوریٹ نا جوڑ کننگ نا کاریم نا بناءِ کرینے۔ پنچ شنبے نادے آ، بلوچستان حکومت نا اسہ عہدیدار اس پارے کہ بلوچستان اٹی ماہی گیری نا بشخ انا مون آ دننگ، حکومت ماہی گیرءِ آسراتی فراوان کننگ و کرکی علاقہ غاتیان زیات آن زیات کٹیا تا وارخواہی ودی کننگ نا فیصلہ کرینے۔ اوپارے کہ دا ڈٹ انا جوڑ کننگ نا کاریم سیکرٹری مواصلات و ورکس، نورالامین مینگل نا خصوصی چکار و پرمان تے مون آ تخسا بناکرینے۔ محکمہ نا انجینئر آتے پارت کننگاکہ او ڈٹ انا سرسہبی اتون پوروی کن آب اٹ و تعمیراتی کاریم ءِ اولیت ایتر۔ اوپارے کہ بلوچستان نا کرکی علاقہ غاتا الس نا روزگار نا تعلق ماہی گیری نا صعنت تون ءِ و کرکی ڈیہہ لسبیلہ مچھی و جھینگا نا پیدوار نا بابت اسہ ہنداس ئس۔ لسبیلہ نا کرکی علاقہ غاتیٹی امن و ایمنی نا حالیت آک نئے بیرہ زرکاری کن سازگار ءُ بلکن حکومت نا فائدہ ٹی السی راجی آسراتی نا برجا شونداری ڈٹ آتیان کرکی علاقہ غاتا الس نا زند انا آب ہم جوان مریک۔ اوپارے کہ گچین کاری مہم اٹی جام کمال کرکی ماہی گیرآتون لسبیلہ ٹی ماہی گیری نا صنعت ءِ پوسکن جوڑ کننگ نا تیکنیک آ شونداری تننگ کن ماہی گیر نظامت اس جوڑ کننگ نا وعدہ کریسس۔ وزیراعلیٰ تینا گچین کاری منشور نا وعدہ ءِ پورو کننگ کن دا ڈٹ اکن جتا کروک پیسہ غاتے جاری کرینے۔