نیشنل ڈیزاسٹرمینجمنٹ اتھارٹی نا کنڈآن صوبہ غاتے ڈاکٹر آتیکن رکھی گڑاتا یانزدہ می کھیپ انا فراوانی پورو

اسلام آباد۔ 23 جولائی (اے پی پی) نیشنل ڈیزاسٹرمینجمنٹ اتھارٹی صوبہ غاتے ڈاکٹر آتیکن رکھی گڑاتا یانزدہ می کھیپ انا فراوانی ءِ پورو کرے۔ پنچ شنبے نادے آ پنجاب و آزاد کشمیر ءِ رکھی گڑاتا یانزدہ می کھیپ گدریفنگا۔ این ڈی ایم اے نا ترجمان نا رداٹ کےپی، بلوچستان و سندھ ءِ یانزدہ می کھیپ مہالو آن جاری کننگانے۔ یانزدہ می کھیپ انا رداٹ پنجاب ءِ جتاوڑنا 3 لکھ 20 ہزار 426 و آزاد کشمیر ءِ 36 ہزار 620 فیس ماسک تننگانے، داماسک آتیٹی این 95، کے این 95 و سرجیکل ماسک آک اوار ءُ۔ پنجاب ءِ اسہ لکھ 46 ہزار 978 رکھی سوٹ و اسہ لکھ 85ہزار 447میڈیکل گاؤن ہم تننگا۔ آزادکشمیر ءِ 16 ہزار 979رکھی سوٹ و 21 ہزار 194 میڈیکل گاؤن تننگانے وخت اس کہ پنجاب ءِ 2 لکھ 20 ہزار 93 جوڑہ وخت اس کہ آزاد کشمیر ءِ 25 ہزار 153 جوڑہ دستانہ تننگا۔ صوبہ پنجاب ءِ 34 ہزار 688 و آزاد کشمیر ءِ 3 ہزار 964 سرجیکل کیپ ہم تننگا۔ ترجمان پارے کہ پنجاب ءِ اسہ لکھ 40 ہزار رکھی عینک و آزاد کشمیر ءِ 16 ہزار رکھی عینک تننگانے۔ داکان بیدس فیس شیلڈ، شوزکور، و پلاسٹک بوٹ ہم بھلو کچ اسے ٹی گدریفنگانے۔