اسلام آباد ۔ 22 جولائی (اے پی پی) صدر مملکت ڈاکٹر عارف علوی ءَ چار شمبے ءَ نیشنل کمانڈ اینڈ آپریشن سنٹر (این سی او سی) ءِ تروتاب کتگ۔ این سی او سی ءِ نیشنل کوآرڈینیٹر لیفٹیننٹ جنرل حمود زمان خان ءَ صدر ءَ را وش اتک کتگ۔اے موہ سرا بنجاہی وزیر برائے نیشنل فوڈ سیکیورٹی ءُ ریسرچ سیّد فخر امام، بنجاہی وزیر برائے مذہبی امور و بین المذاہب ہم آہنگی پیر نور الحق قادری، چیئرمین این ڈی ایم اے لیفٹیننٹ جنرل محمد افضل ءُ سرجن جنرل لیفٹیننٹ جنرل نگار جوہر ھم ساڑی اتنت۔مزن وزیر ءِ ھاسیں کمکار برائے نیشنل ہیلتھ ڈاکٹر ظفر مرزا ءُ صوبائی چیف سیکرٹریز ءَ ویڈیو لنک ءِ وسیلگ ءَ دیوان ءِ تہ بھرزوری کتگ۔ این سی او سی چہ جاڑی جارانک ءِ ردا ملک مستر ڈاکٹر عارف علوی ءَ را بنجاہی وزیر برائے منصوبگ بندی،دیمروئی اسد عمر ءُ ڈائریکٹر جنرل آپریشن اینڈ پلاننگ، این سی او سی میجر جنرل آصف محمود گورئیہ ءَ کورونا وائرس ءِ جاورھال ءِ لہتیں پوائنٹس ،این سی او سی ءِ پیسلہانی سرا وڈ ءُ پیم ،کورونا وائرس ءِ تالان ءُ بنجاہی اکائی ءِ نیام ءَ پرشانیں سسٹم ءِ باروا سرپدی داتگ۔ صدر مملکت ءَ را کورونا وائرس ءِ چیلنج گوں دیم دیگ ،راجی جان سلامتیءِ پروفیشنلز ءِ بود ءِ تہ ودکی،کورونا ءِ نادراہانی ھاترا بیڈز ءِ اویلبلٹیءِ تہ ودکی، ھاسیں درمان ءِ ابید اوشت ءِ پھجارگ،کورونا نادراہی نشان دیگ ءُ رھوت ءِ باروا ڈیجیٹل ٹیکنالوجی ءِ کارمرزی ءُ ملک ءِ تہ جان سلامتی ءِ سسٹم ءِ تہ گہتری ھاترا گامگیج ءَ چہ سرپد کتگ۔ملک مستر ءَ وباءِ شریں وڈ ءَ مقابلہ کنگ ءُ سرجمیں ملک ءِ تہ سوگو ءِ گاماں را سدکی دارگ سرا این سی او سی ءِ ٹیمب ءِ کوشستاں را ساڑاتگ۔ صدر مملکت ءَ گوشت کہ ڈیلی بیسس ءِ سرا جاورھال ءِ مانیٹرنگ ءِ بنیات سرا جان سلامتی ءِ سسٹم ءِ تہ گہتری، گہتر ریسورس مینجمنٹ ءُ شریں ایس او پیز ءِ جوڈ دیگ ءِ ھاترا ڈیٹا بیس،جان سلامتی سیفٹی پروٹوکول ءِ ھوار نادراہی ءِ ھلاپ ءَ جنگ ءِ تہ این سی او سی ءَ ھاسیں کرد ادا کتگ۔ ڈاکٹر عارف علوی ءَ راج ءِ نیمگا چہ راجی جان سلامتی ءِ راھبندانی سرا عمل کنگ ءَ را ھم ساڑاتگ۔آہاں گوشت کہ نادراہی ءِ تہ کمی آھگ انت بلے مہلوک ءُ انتظامیہ ءَ را ایشی ءِ سرا دلجم بوھگ مہ بیت۔آہاں دراھیں صوبگاں را کڈنی داتگ کہ آں مردمان را ایس او پیز ءِ سرا وڈ ءُ پیم کنگ ءِ دلبڈی دیگ ءِ ھوار عید الاضحی ءُ محرم الحرام ءِدرگت ءَ ایس او پیز ءِ سرا گوں ترندی ءَ وڈ ءُ پیم ءَ کنائین انت۔
