اسلام آباد ۔ 22 جولائی (اے پی پی) دری کارانی وزیر مخدوم شاہ محمود قریشی ءَ گوشت کہ مارا ڈنی محاذ ءِ سرا دیم چیلنجز ءَ را دیما ایر کنان ءَ میاں اوستمانی ءِ تبک ءِ پٹ ءُ پول ءَ را دیما آرگی انت۔ اے گپ آہاں چار شمبے ءَ انسٹییٹوٹ آف ریجنل اسٹڈیز (آئی آر ایس )ءِ تروتاب ءِ موہ سرا گوشتگ انت۔دری معاملہانی سیکرٹری سہیل محمود ءُ دری معاملہانی کارگس ءِ ٹوھیں افسراں ھم دری کارانی وزیر ءِ ہمبراہ اتنت۔ صدر آئی آر ایس ایمبیسڈر ندیم ریاض ءَ دری کارانی وزیر مخدوم شاہ محمود قریشی ءِ ھیرمقدم کتگ ۔دری کارانی وزیر ءَ انسٹیٹوٹ آف ریجنل اسٹڈیز ءِ نوکیں ماڑی ءِ بنداتی کتگ ءُ وزیٹرز بک ءِ تہ وتی ھیالانی درشان نبشتہ کتگ انت۔ دری کارانی وزیر ءَ اے موہ سرا انسٹیٹوٹ آف ریجنل اسٹڈیز ءِ محققین ءَ گوں تران کتگ۔ دری کارانی وزیر ءَ انسٹییٹوٹ ءِ نوکیں ماڑی ءِ تہ شفٹنگ سرا پریذیڈنٹ ایمبیسڈر ندیم ریاض ءُ آئی ءِ دراھیں ٹیمب ءَ را مبارکبات داتگ۔ ءُ گوشت کہ من ءَ اے چاران ءَ وشی بوھگ انت کہ انسٹی یٹوٹ آف ریجنل اسٹڈیز ءِ نوکیں ماڑی ءِ ٹیکنیکل ھوالہ ءَ گوں سرجم فنکشنل انت۔ شاہ محمود قریشیءَ گوشت کہ مروچی انسٹی ٹیوٹ آف ریجنل اسٹڈیزءِ زمہ واریانی تہ ودکی بوتگ انت،مارا ڈنی محاذ سرا دیم چیلنجز ءَ را دیما ایر کنان ءَ میاں اوستمانی تبک ءِ پٹ ءُ پول ءَ را منظر ءِ عام سرا آرگی انت۔اے ادارگ ءَ را گیش ایکٹوجوڈ کنگ ءِ ھاترا مارا ہرممکن کوشستءُ وسیلگ کارمرز کنگ بنت۔دری کارانی وزیر ءَ گوشت کہ ریجنل جاورھال ءِ سرا ھاسیں دلگوشی ءِ متقاضی انت۔ اے جاورھال ءِ تہ مارا گہتریں حکمت عملی پدر کنگی بیت۔ دری کارانی وزیر ءَ انسٹیٹوٹ آف ریجنل اسٹڈیز ءِ لہتیں شوبگانی تروتاب ھم کتگ ءُ انسٹییٹوٹ ءِ صدر ءِ کارکردگی ءَ را ساڑاتگ۔
